ಬೆಂಗಳೂರು: ಬೆಂಗಳೂರು ಮೂಲದ ವೈದ್ಯಕೀಯ ತಂತ್ರಜ್ಞಾನ ಸ್ಟಾರ್ಟ್ ಅಪ್ ಇನಿಟೊ ಸಂತಾನೋತ್ಪತ್ತಿ ಸಾಮರ್ಥ್ಯ ಪತ್ತೆ ಮಾಡುವ ಸೌಲಭ್ಯವನ್ನು ಘೋಷಿಸಿದ್ದು, ಇದಕ್ಕಾಗಿ ಅಮೆರಿಕದ ಆಹಾರ ಹಾಗೂ ಔಷಧ ನಿಯಂತ್ರಕ ವಿಭಾಗ (ಎಫ್ ಡಿಎ)ಯಿಂದ ಅನುಮೋದನೆಯನ್ನೂ ಪಡೆದುಕೊಂಡಿದೆ.
ಅಮೆರಿಕದ ಅನುಮೋದನೆ ಪಡೆದಿರುವುದರಿಂದ ಈ ಸಂಸ್ಥೆಯ ಉತ್ಪನ್ನಗಳನ್ನು ಅಲ್ಲಿನ ಮಾರುಕಟ್ಟೆಗೂ ಪರಿಚಯಿಸಬಹುದಾಗಿದ್ದು, ಒಪ್ಪಂದವನ್ನೂ ಮಾಡಿಕೊಳ್ಳಲಾಗಿದೆ.
ಇನಿಟೊ ಸಂತಾನೋತ್ಪತ್ತಿ ಸಾಮರ್ಥ್ಯ ಪತ್ತೆ ಮಾಡುವ ಸಾಧನವನ್ನು ಲ್ಯಾಬ್ ಗ್ರೇಡ್ ನಲ್ಲಿ ತಯಾರಿಸಲಾಗಿದ್ದು ಗ್ರಾಹಕರು ಮನೆಯಿಂದಲೇ ಪರೀಕ್ಷೆ ನಡೆಸಿ ಸ್ಮಾರ್ಟ್ ಫೋನ್ ಮೂಲಕ ಫಲಿತಾಂಶ ಪಡೆಯಲಾಗಿದೆ.
ಯೂರಿನ್-ಈಸ್ಟ್ರೊಜೆನ್ ಮತ್ತು ಲ್ಯುಟೈನೈಜಿಂಗ್ ಹಾರ್ಮೋನ್ ನ್ನು ಕೃತಕ ಬುದ್ಧಿಮತ್ತೆ ಹಾಗೂ ಡಾಟಾ ಅನಾಲಿಟಿಕ್ಸ್ ಮೂಲಕ ಫಲಿತಾಂಶಗಳನ್ನು ಪ್ರಕಟಿಸಲಾಗುತ್ತದೆ.
ಪ್ರತಿ ಮಹಿಳೆಯ ದೇಹ ಪ್ರಕೃತಿಗೆ ಅನುಗುಣವಾಗಿ ನಿಖರವಾದ ಫಲಿತಾಂಶ ನೀಡುವ ಈ ಸಾಧನವನ್ನು ತಯಾರಿಸಿರುವ ಈ ಸಂಸ್ಥೆ ಕಳೆದ ಒಂದು ವರ್ಷದಿಂದ ಕ್ಲಿನಿಕಲ್ ಅಧ್ಯಯನದಲ್ಲಿ ತೊಡಗಿಸಿಕೊಂಡಿದೆ.