ಮೈಸೂರು: ಮನೆ ಮುಂದೆ ನಿಂತಿದ್ದ ಯುವತಿಗೆ ಭಗ್ನ ಪ್ರೇಮಿಯೋರ್ವ ಚಾಕು ಇರಿದು, ಬಳಿಕ ಪೊಲೀಸರಿಗೆ ಶರಣಾಗಿದ್ದಾನೆ.
ಯುವತಿಗೆ ಚಾಕು ಇರಿದ ನಂತರ ಆರೋಪಿ ಗಗನ್ ಲಕ್ಷ್ಮೀಪುರಂ ಪೊಲೀಸ್ ಠಾಣೆ ಪೊಲೀಸರ ಮುಂದೆ ಶರಣಾಗತಾಗಿದ್ದಾನೆ.
ಕಳೆದ 5 ವರ್ಷಗಳಿಂದ ಓರ್ವಯುವತಿಯನ್ನು ಪ್ರೀತಿಸುತ್ತಿದ್ದ ಗಗನ್ ಆಕೆಗೆ 18 ವರ್ಷವಾದಾಗ ಅವಳನ್ನು ಮದುವೆಯಾಗುವುದಾಗಿ ಹೇಳಿದ್ದ. ಆದರೆ ಆಕೆ ತಾನು ಯುವಕನನ್ನು ಮದುವೆಯಾಗುದಕ್ಕೆ ನಿರಾಕರಿಸಿದ್ದಾಳೆ. ಅಲ್ಲದೆ ಯುವತಿಯ ಪೋಷಕರೂ ಸಹ ಗಗನ್ ಗೆ ಎಚ್ಚರಿಕೆ ನೀಡಿದ್ದಾರೆ.ಇದರಿಂದ ಬೇಸರ ಹಾಗೂ ಉದ್ರಿಕ್ತಗೊಂಡ ಗಗನ್ ಇಂದು ಆಕೆಗೆ ಚಾಕು ಇರಿದು ನಂತರ ಪೋಲೀಸರಿಗೆ ಶರಣಗಿದ್ದಾನೆ,
ಇತ್ತ ಚಾಕು ಇರಿತಕ್ಕೊಳಗಾಗಿ ಗಾಯಗೊಂಡ ಯುವತಿ ಸ್ಥಳೀಯ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ. ಈ ಕುರಿತು ಲಕ್ಷ್ಮೀಪುರಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.