ಬೆಂಗಳೂರು: ರಾಜ್ಯದಲ್ಲಿ ರೆಮಿಡಿಸಿವಿರ್ ಚುಚ್ಚುಮದ್ದು, ಲಭ್ಯವಿದ್ದು, ಯಾವುದೇ ವದಂತಿಗಳಿಗೆ ಜನರು ಕಿವಿಗೂಡಬೇಡಿ ಎಂದು ರಾಜ್ಯ ಬಿಜೆಪಿ ಹೇಳಿದೆ.

ಈ ಕುರಿತು ರಾಜ್ಯ ಬಿಜೆಪಿ ಟ್ವೀಟರ್ ಖಾತೆಯಲ್ಲಿ ಮಾಹಿತಿ ನೀಡಲಾಗಿದೆ. ಎಪ್ರಿಲ್‌ 11 ರಿಂದ 17 ರ ವರೆಗೆ 47,726 ರೆಮಿಡೆಸಿವಿರ್‌ ಚುಚ್ಚುಮದ್ದು‌ ಪೂರೈಸಲಾಗಿದೆ.ರಾಜ್ಯದಲ್ಲಿ ಒಟ್ಟು 26,873 ವಯಲ್ಸ್ ‌ ದಾಸ್ತಾನು ಇದೆ.70 ಸಾವಿರ ಇಂಜಕ್ಷನ್‌ ಖರೀದಿಗೆ ಸರ್ಕಾರ ಆದೇಶ ನೀಡಿರುವುದಾಗಿ ತಿಳಿಸಲಾಗಿದೆ.

ಕೋವಿಡ್ ವಿರುದ್ಧ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ನೇತೃತ್ವದ ಬಿಜೆಪಿ ಸರ್ಕಾರ ಸಮರ್ಥವಾಗಿ ಹೋರಾಡುತ್ತಿದೆ. 
 7 ಮೆಡಿಕಲ್ ಆಕ್ಸಿಜನ್ ತಯಾರಿಕಾ ಘಟಕಗಳು ದಿನಕ್ಕೆ 812 ಟನ್‌ ಆಕ್ಸಿಜನ್ ಉತ್ಪಾದಿಸುತ್ತಿವೆ. ಎಪ್ರಿಲ್ 18 ರಂದು 305 ಟನ್ ಆ‌ಕ್ಸಿಜನ್ ಬಳಕೆಯಾಗಿದ್ದು, 19417 ಮೆಡಿಕಲ್‌ ಸಿಲಿಂಡರ್‌ ಲಭ್ಯವಿದೆ. ಸುಳ್ಳು ಸುದ್ದಿಗಳಿಗೆ ಕಿವಿಗೊಡದಿರೋಣ ಎಂದು ಮನವಿ ಮಾಡಿದೆ.