ಕಲಬುರಗಿ: ಸಾಕುಪ್ರಾಣಿಗಳನ್ನು ತಮ್ಮ ಮನೆಯ ಸದಸ್ಯರಂತೆ ನೋಡಿಕೊಳ್ಳುವವರು ನಮ್ಮ ಸುತ್ತಮುತ್ತ ಅದೆಷ್ಟೋ ಮಂದಿಯಿದ್ದಾರೆ. ಇಲ್ಲೊಬ್ಬರು ಮನೆಯಲ್ಲಿ ಹಸು ಹಾಕಿದ ಕರುವಿನ ತೊಟ್ಟಿಲು ಶಾಸ್ತ್ರ ನೆರವೇರಿಸಿದ್ದಾರೆ. 

ಅವರೇ ಕಲಬುರಗಿಯ ಯುನಿವರ್ಸಿಟಿ ಪೊಲೀಸ್ ಸ್ಟೇಷನ್ ನ ಪಿಎಸ್ ಐ ಯಶೋಧ ಕಟಕೆ. ರಾಜಪುರದ ನಿವಾಸಿಯಾಗಿರುವ ಇವರು ನಿನ್ನೆ ತಮ್ಮ ಮನೆಯ ಪುಟ್ಟ ಕರುವಿಗೆ ತೊಟ್ಟಿಲು ಶಾಸ್ತ್ರ ನೆರವೇರಿಸಿ ಅದಕ್ಕೆ ರಾಧೆ ಎಂದು ಹೆಸರಿಟ್ಟಿದ್ದಾರೆ. ಯಧೋಶ ಅವರು ತಮ್ಮ ಮನೆಯ ಸಾಕುಪ್ರಾಣಿಗಳನ್ನು ಮಕ್ಕಳಂತೆಯೇ ಸಲಹುತ್ತಾರೆ.