ಅಮೇಥಿ: 16 ವರ್ಷದ ಬಾಲಕಿಯೊಬ್ಬಳನ್ನು ಅಪಹರಿಸಿದ ಯುವಕ 5 ದಿನಗಳ ಕಾಲ ಅತ್ಯಾಚಾರವೆಸಗಿದ ಘಟನೆ ಉತ್ತರ ಪ್ರದೇಶದ ಅಮೇಥಿಯಲ್ಲಿ ನಡೆದಿದೆ.
ಕಳೆದ ಜುಲೈ 9ರಂದು ಮನೆ ಹತ್ತಿರದ ಕೊಳವೆ ಬಾವಿಯಿಂದ ನೀರು ತುಂಬಿಕೊಳ್ಳಲೆಂದು ಬಾಲಕಿ ಹೋಗಿದ್ದ ವೇಳೆ ಯುವಕ ಆಕೆಯನ್ನು ಅಪಹರಿಸಿ ಹೊತ್ತೊಯ್ದು ಅತ್ಯಾಚಾರವೆಸಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
5 ದಿನಗಳ ಕಾಲ ಸತತ ಅತ್ಯಾಚಾರವೆಸಗಿದ ನಂತರ ಬಾಲಕಿ ಹೇಗೋ ಕಾಮುಕ ಯುವಕನ ಕೈಯಿಂದ ತಪ್ಪಿಸಿ ಹೊರಗೆ ಬಂದಿದ್ದಾಳೆ, ಕುಟುಂಬಸ್ಥರಿಗೆ ನಡೆದ ವಿಷಯವನ್ನೆಲ್ಲಾ ತಿಳಿಸಿದ ಮೇಲೆ ಕುಟುಂಬಸ್ಥರು ಪೊಲೀಸರಿಗೆ ದೂರು ನೀಡಿದ್ದಾರೆ. ಪೊಕ್ಸೊ ಕಾಯ್ದೆಯಡಿ ಕೇಸು ದಾಖಲಿಸಲಾಗಿದ್ದು ಬಾಲಕಿಯನ್ನು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಲಾಗಿದೆ.