ಬೆಂಗಳೂರು: ಶೇಕಡಾ 98ರಷ್ಟು ದೂರುಗಳು ಸಕಾರಾತ್ಮಕವಾಗಿ ವಿಲೇವಾರಿಯಾಗಿದ್ದರೂ ಕೂಡ ಕರ್ನಾಟಕದಲ್ಲಿ ಜಾರಿಯಲ್ಲಿರುವ ಕುಂದುಕೊರತೆ ಪರಿಹಾರ ವ್ಯವಸ್ಥೆಯನ್ನು(redressal system) ನಾಗರಿಕರು ಪ್ರಶ್ನಿಸುತ್ತಿದ್ದಾರೆ. ಸರ್ಕಾರಿ ಇಲಾಖೆಗಳಲ್ಲಿ ಅಧಿಕಾರಿಶಾಹಿಯಿಂದ ಕುಂದುಕೊರತೆಗಳನ್ನು ಸರಿಯಾಗಿ ಪರಿಹರಿಸದೆ ವಿಳಂಬವಾಗುತ್ತಿದೆ ಎಂದು ಆರೋಪಿಸುತ್ತಿದ್ದಾರೆ. 

ಜನಸ್ಪಂದನ-iPGRS (ಸಮಗ್ರ ಸಾರ್ವಜನಿಕ ಕುಂದುಕೊರತೆ ಪರಿಹಾರ ವ್ಯವಸ್ಥೆ)ಯನ್ನು ನವೆಂಬರ್ 2021 ರಲ್ಲಿ ಪ್ರಾರಂಭಿಸಲಾಯಿತು. ಡಿಸೆಂಬರ್ 16, 2022 ರವರೆಗೆ 57,865 ಕುಂದುಕೊರತೆಗಳನ್ನು ಸ್ವೀಕರಿಸಲಾಗಿದೆ. ಒಟ್ಟಾರೆಯಾಗಿ, 43,805 ದೂರುಗಳನ್ನು (ಶೇ 98.1) ಸಕಾರಾತ್ಮಕವಾಗಿ ವಿಲೇವಾರಿ ಮಾಡಲಾಗಿದೆ. iPGRS ಪೋರ್ಟಲ್ 13,614 ಕುಂದುಕೊರತೆಗಳು ಪರಿಹಾರಕ್ಕಾಗಿ ಬಾಕಿ ಉಳಿದಿವೆ ಎಂದು ತೋರಿಸುತ್ತದೆ. 

ನಗರಾಭಿವೃದ್ಧಿ (ಶೇಕಡಾ 20.2), ಕಂದಾಯ (ಶೇಕಡಾ 19.2) ಮತ್ತು ಗ್ರಾಮೀಣ ಮತ್ತು ಪಂಚಾಯತ್ ರಾಜ್ (ಶೇಕಡಾ 13.4) ಇಲಾಖೆಗಳು ಪಿಂಚಣಿ ಯೋಜನೆಗಳು, ಭೂ ಸಮಸ್ಯೆಗಳು, ಆಸಿಡ್ ದಾಳಿ ಸಂತ್ರಸ್ತ ಪಿಂಚಣಿಗಳು, ವಿವಿಧ ಸರ್ಕಾರಿ ಯೋಜನೆಗಳ ಅಡಿಯಲ್ಲಿ ಸೇವೆಗಳು ಮತ್ತು ಆಡಳಿತಾತ್ಮಕವಾಗಿಯೂ ಸಹ ಗರಿಷ್ಠ ದೂರುಗಳನ್ನು ಸ್ವೀಕರಿಸಿವೆ ಎಂದು ಅಂಕಿಅಂಶಗಳು ತೋರಿಸಿವೆ. 

ಬೆಂಗಳೂರಿನ ದೂರುದಾರ ಮೋಹನ್ ಕೆ ಅವರು 2017 ರಿಂದ ಜಮೀನು ನೋಂದಣಿ ಪ್ರಕರಣಕ್ಕಾಗಿ ಹೋರಾಟ ನಡೆಸುತ್ತಿದ್ದಾರೆ, ಅವರು ಕಳೆದ ಎರಡು ವರ್ಷಗಳಿಂದ ಹಲವಾರು ದೂರುಗಳನ್ನು ಸಲ್ಲಿಸಿದರು ಆದರೆ ಇದುವರೆಗೆ ಯಾವುದೇ ಕ್ರಮ ಕೈಗೊಂಡಿಲ್ಲ. ಹಲವು ಬಾರಿ ಅಧಿಕಾರಿಗಳು ತಮ್ಮ ದೂರನ್ನು ‘ವಿಲೇವಾರಿ’ ವಿಭಾಗದಲ್ಲಿ ಹಾಕಲು ಪ್ರಯತ್ನಿಸಿದರೂ ಸಮಸ್ಯೆ ಬಗೆಹರಿಯಲಿಲ್ಲ ಎನ್ನುತ್ತಿದ್ದಾರೆ. 

ಅವರು ಇದನ್ನು ಹಗರಣ ಎಂದು ಕರೆಯುತ್ತಾರೆ. ಇಲಾಖೆಯು ತಮ್ಮ ದೂರುಗಳನ್ನು ಸರಿಯಾಗಿ ಪರಿಹರಿಸಲಿಲ್ಲ ಎಂದು ಆರೋಪಿಸುತ್ತಿದ್ದಾರೆ. ಸರ್ಕಾರಿ ಅಧಿಕಾರಿಗಳಿಗೆ ಉತ್ತರದಾಯಿತ್ವದ ಕೊರತೆ ಇದ್ದು, ಅಧಿಕಾರಶಾಹಿಯು ಒಬ್ಬ ಅಧಿಕಾರಿಯಿಂದ ಮತ್ತೊಬ್ಬರಿಗೆ ದೂರುಗಳು ಬರಲು ಕಾರಣವಾಗುತ್ತವೆ, ಇದು ಬಾಕಿ ಉಳಿಯುವಂತೆ ಮಾಡುತ್ತದೆ ಎಂದು ಅವರು ಹೇಳಿದರು.

ಶೇಕಡಾ 98 ರಷ್ಟು ಕುಂದುಕೊರತೆಗಳ ವಿಲೇವಾರಿಯು "ದತ್ತಾಂಶದ ಕುಶಲತೆ" ಎಂದು ಕಾರ್ಯಕರ್ತ ಎಚ್‌ಎಂ ವೆಂಕಟೇಶ್ ಹೇಳಿದ್ದಾರೆ. ಆಗಾಗ್ಗೆ ಒಂದು ಡೆಸ್ಕ್‌ನಿಂದ ಇನ್ನೊಂದು ಡೆಸ್ಕ್‌ಗೆ ದೂರುಗಳನ್ನು ಕಳುಹಿಸಲಾಗುತ್ತದೆ. ಇದು ವಿಳಂಬಕ್ಕೆ ಕಾರಣವಾಗುತ್ತದೆ ಎಂದು ಅವರು ಹೇಳುತ್ತಾರೆ. ಆಗಾಗ್ಗೆ, ದೂರುಗಳು ದೀರ್ಘಕಾಲದವರೆಗೆ ಗಮನಿಸದೆ ಉಳಿಯುತ್ತವೆ.

ಆರ್‌ಡಿಪಿಆರ್‌ನ ಹಲವಾರು ದೂರುಗಳ ಬಾಕಿಯನ್ನು ವಿವರಿಸಿದ ಅಧಿಕಾರಿ, ಇದು ದೂರಿನ ಸ್ವರೂಪ ಮತ್ತು ಸಂಕೀರ್ಣತೆಯನ್ನು ಅವಲಂಬಿಸಿರುತ್ತದೆ ಎನ್ನುತ್ತಾರೆ. ಹಲವಾರು ಇಲಾಖೆಗಳು ಭಾಗಿಯಾಗಿದ್ದರೆ, ಎಲ್ಲಾ ಪಕ್ಷಗಳೊಂದಿಗೆ ಸಮಾಲೋಚಿಸಲು ಮತ್ತು ಅದಕ್ಕೆ ಅನುಗುಣವಾಗಿ ವಿಲೇವಾರಿ ಮಾಡಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ ಎಂದು ಸಮಜಾಯಿಷಿ ನೀಡಿದರು.