ಹುಬ್ಬಳ್ಳಿ: ಕೊಪ್ಪಳ ಜಿಲ್ಲೆಯ ಗ್ರಾಮವೊಂದರಲ್ಲಿ ಶುಕ್ರವಾರ ನಡೆದ ಆಘಾತಕಾರಿ ಘಟನೆಯಲ್ಲಿ ರೇಬಿಸ್ ನಿಂದ ಬಳಲುತ್ತಿದ್ದ ನಾಯಿಯೊಂದು 25 ಜನರಿಗೆ ಕಚ್ಚಿದೆ. ಕೊಪ್ಪಳ ಜಿಲ್ಲೆಯ ಅಳವಂಡಿ ಗ್ರಾಮದ ಪ್ರಾಥಮಿಕ ಆರೋಗ್ಯ ಕೇಂದ್ರದ ಬಳಿ ಘಟನೆ ವರದಿಯಾಗಿದೆ.
ಪ್ರಸ್ತುತ ಎಂಟು ರೋಗಿಗಳು ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಉಳಿದವರು ಗ್ರಾಮದ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ನಾಲ್ಕು ವರ್ಷದ ಬಾಲಕಿ ಸೇರಿದಂತೆ ಮೂವರ ಸ್ಥಿತಿ ಚಿಂತಾಜನಕವಾಗಿದೆ. ಸ್ಥಳೀಯ ಅಧಿಕಾರಿಗಳು ನಾಯಿಯನ್ನು ಹಿಡಿದಿದ್ದು, ನಂತರ ಗಾಯಗೊಂಡು ಸಾವನ್ನಪ್ಪಿದೆ.
ನಾಯಿಯು ದಾರಿಯಲ್ಲಿ ಬಂದವರನ್ನೆಲ್ಲ ಕಚ್ಚುತ್ತಾ ಒಂದು ಕಡೆಯಿಂದ ಇನ್ನೊಂದು ಕಡೆಗೆ ಓಡಿತು. ಸ್ವಲ್ಪ ಸಮಯದಲ್ಲೇ ನಾಯಿ ನನ್ನ ಬಳಿಗೆ ಬಂದು ಕಚ್ಚಿತು. ಇಡೀ ಘಟನೆಯಲ್ಲಿ ಮಕ್ಕಳು ಸಹ ಗಾಯಗೊಂಡಿದ್ದರಿಂದ ಇದು ಭಯಾನಕ ತಾಣವಾಗಿತ್ತು ಎಂದು ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಸಂತ್ರಸ್ತರಲ್ಲಿ ಒಬ್ಬರಾದ ವೀರೇಶ್ ಹೇಳಿದರು.
ಸ್ಥಳೀಯ ಅಧಿಕಾರಿಗಳು ನಾಯಿಯನ್ನು ಬಲೆಗೆ ಕೆಡವಿದಲ್ಲದೇ, ಹೆಚ್ಚಿನ ಹಾನಿಯಾಗುವ ಮೊದಲು ಅದನ್ನು ತೆಗೆದುಕೊಂಡು ಹೋದರು ಎಂದು ಅವರು ಹೇಳಿದರು. ಗ್ರಾಮದಲ್ಲಿ ಹಲವಾರು ಬೀದಿನಾಯಿಗಳಿವೆ ಆದರೆ ಇದು ಒಂದೇ ಇಂತಹ ಘಟನೆ ನಡೆದಿರುವುದು ಎಂದು ಗ್ರಾಮಸ್ಥ ಭೀಮಣ್ಣ ಹೇಳಿದರು.