ಮೈಸೂರು: ಕೇವಲ ಮನುಷ್ಯರ ಹುಟ್ಟುಹಬ್ಬವನ್ನು ಆಚರಿಸಿದರೆ ಸಾಕೇ, ಮನುಷ್ಯರಂತೆಯೇ ಭಾವನಾ ಜೀವಿಗಳಾಗಿರುವ ಪ್ರಾಣಿಗಳ ಬರ್ತ್ ಡೇಯನ್ನು ಆಚರಿಸುವುದು ಕೂಡ ಖುಷಿಕೊಡುತ್ತದೆ ಅಲ್ಲವೇ?

ನಿನ್ನೆ ಮೈಸೂರು ಮೃಗಾಲಯ ಎಂದು ಕರೆಯಲ್ಪಡುವ ಮೈಸೂರಿನ ಶ್ರೀ ಚಾಮರಾಜೇಂದ್ರ ಝೂಲಾಜಿಕಲ್ ಗಾರ್ಡನ್ಸ್ ನಲ್ಲಿ ಡೆಂಬಾ ಗೊರಿಲ್ಲಾದ ಹುಟ್ಟುಹಬ್ಬವನ್ನು ಆಚರಿಸಲಾಗಿದ್ದು, ಮೃಗಾಲಯದ ಅಧಿಕಾರಿಗಳು ಮತ್ತು ಸಿಬ್ಬಂದಿ ಡೆಂಬಾ ಓಡಾಡುವ ಸ್ಥಳದಲ್ಲಿ ಹೂವು ಹಣ್ಣು ತರಕಾರಿಗಳಿಂದ ಅಲಂಕೃಗೊಳಿಸಿ ಅದನ್ನು ಬಿಡಲಾಯಿತು. 

ಹೊರಗೆ ಬಂದ ಡೆಂಬಾ ಅದನ್ನು ನೋಡಿ ಖುಷಿಯಿಂದ ಮುಂದೆ ಕುಳಿತು ಹೊಟ್ಟೆತುಂಬಾ ಮನಸೋ ಇಚ್ಛೆ ಹಣ್ಣು, ತರಕಾರಿಗಳನ್ನು ತಿಂದಿತು.ಡೆಂಬಾ ಹುಟ್ಟಿದ್ದು 2013ರ ಜನವರಿ 13ರಂದು ಜರ್ಮನಿಯ ಅಲ್ ವೆಟ್ಟರ್ ಮುನ್ಟರ್ ಮೃಗಾಲಯದಲ್ಲಿ. ಕಳೆದ ವರ್ಷ ಇದನ್ನು ಮೈಸೂರು ಮೃಗಾಲಯಕ್ಕೆ ತರಲಾಯಿತು.