ಮಡಿಕೇರಿ: ಜಗತ್ತಿನಾದ್ಯಂತ ಇರುವ ಕೊಡವ ಸಮುದಾಯವನ್ನು ಒಗ್ಗೂಡಿಸುವ ಉದ್ದೇಶದಿಂದ ಮಡಿಕೇರಿಯಲ್ಲಿ ಡಿ.29-30 ರಂದು ಕೊಡವ ಸಮ್ಮೇಳನ ಆಯೋಜಿಸಲಾಗಿದೆ.
 
ಕನೆಕ್ಟಿಂಗ್ ಕೊಡವಾಸ್ ಟ್ರಸ್ಟ್ ನಿಂದ ಈ ಸಮ್ಮೇಳನ ಆಯೋಜನೆ ಮಾಡಲಾಗಿದ್ದು, ಈ ಸಮ್ಮೇಳನದಲ್ಲಿ ಕೊಡವರು ಎದುರಿಸುತ್ತಿರುವ ಸಮಸ್ಯೆಗಳು ಹಾಗೂ ಕೊಡವರ ಸಂಸ್ಕೃತಿ, ಸಂಪ್ರದಾಯಗಳು ಮುಖ್ಯವಾಗಿ ಬೆಳಕಿಗೆ ಬರಲಿದೆ.

ಕೊಡವರ ವಿನೂತನ ಆಚರಣೆಗಳನ್ನು ರಕ್ಷಿಸುವುದಕ್ಕಾಗಿ ಹಲವು ಸಾಂಸ್ಕೃತಿಕ ಕಾರ್ಯಕ್ರಮಗಳು, ಪ್ರದರ್ಶನಗಳು, ಸೆಮಿನಾರ್ ಗಳನ್ನೂ ಸಮ್ಮೇಳನದಲ್ಲಿ ಆಯೋಜನೆ ಮಾಡಲಾಗುತ್ತಿದೆ. 

ಇದು ಎರಡು ದಿನಗಳ ಸಮ್ಮೇಳನವಾಗಿದ್ದರೂ, ಈ ವಿಶಿಷ್ಟ ಕಾರ್ಯಕ್ರಮವನ್ನು ಆಯೋಜಿಸುವ ಹಿಂದೆ ಹಲವಾರು ವರ್ಷಗಳ ಸಂಶೋಧನೆಗಳು ನಡೆದಿವೆ. 2017 ರಿಂದ, ಕನೆಕ್ಟಿಂಗ್ ಕೊಡವರ ಫೋರಮ್ ಜಿಲ್ಲೆಯ ಮೂಲೆ ಮೂಲೆಗಳಿಂದ ಪ್ರತಿ ಕೊಡವ ಕುಲದ ವಿವರಗಳನ್ನು ಸಂಗ್ರಹಿಸುವಲ್ಲಿ ತೊಡಗಿಸಿಕೊಂಡಿದೆ ಎಂದು ಸಂಸ್ಥೆಯ ಪ್ರಮುಖ ಸದಸ್ಯರಲ್ಲಿ ಒಬ್ಬರಾದ ನಿರನ್ ನಂಜಪ್ಪ ವಿವರಿಸಿದ್ದಾರೆ.

ಇದನ್ನೂ ಓದಿ: ಸಂಸ್ಕೃತಿ ಮತ್ತು ಚಲನಚಿತ್ರ: ಕೊಡಗಿನ ಇತಿಹಾಸ, ಸಂಸ್ಕೃತಿ, ಜೀವನ ನಿರೂಪಿಸುವಲ್ಲಿ ಕೊಡವ ಸಿನಿಮಾ ಪ್ರಮುಖ ಪಾತ್ರ

ವೇದಿಕೆಯ ಸ್ವಯಂಸೇವಕರು ಜಿಲ್ಲೆಯ ಎಲ್ಲಾ ಗ್ರಾಮಗಳಿಗೆ ಭೇಟಿ ನೀಡಿ ವಿವಿಧ ಕೊಡವ ಮನೆತನಗಳ ಬೇರುಗಳನ್ನು ಸಂಗ್ರಹಿಸಿದ್ದಾರೆ. “ನಮ್ಮ ಸಂಶೋಧನೆಯ ಪ್ರಕಾರ, 1000 ಕ್ಕೂ ಹೆಚ್ಚು ಕೊಡವ ಕುಲಗಳು ಅಸ್ತಿತ್ವದಲ್ಲಿವೆ. ಇನ್ನೂ ಅನೇಕ ಕುಲಗಳು ಕಣ್ಮರೆಯಾಗಿವೆ. ಕೆಲವು ಕುಲಗಳು ಕೇವಲ ಇಬ್ಬರು ಸದಸ್ಯರನ್ನು ಹೊಂದಿವೆ ಮತ್ತು ದೊಡ್ಡ ಕುಲವು 650 ಕ್ಕೂ ಹೆಚ್ಚು ಸದಸ್ಯರನ್ನು ಹೊಂದಿದೆ. ಈ ಎಲ್ಲಾ ವಿವರಗಳನ್ನು ದಾಖಲಿಸಲಾಗಿದೆ, ಆ ವಿವರಗಳನ್ನು 20000 ರಿಂದ 25000 ಜನರು ಭಾಗವಹಿಸುವ ಸಾಧ್ಯತೆಯಿರುವ ಶೃಂಗಸಭೆಯ ಸಮಯದಲ್ಲಿ ಬಹಿರಂಗಪಡಿಸಲಾಗುವುದು, ”ಎಂದು ಅವರು ಹೇಳಿದ್ದಾರೆ.

ಕೊಡವರ ಸಂಸ್ಕೃತಿ, ಸಂಪ್ರದಾಯಗಳು ಮತ್ತು ಆಚರಣೆಗಳು ಅಪಾಯದಲ್ಲಿದೆ ಮತ್ತು ಶೀಘ್ರದಲ್ಲೇ ಕಣ್ಮರೆಯಾಗುತ್ತವೆ ಎಂದು ಜಿಲ್ಲೆಯ ಸಮುದಾಯದ ಹಲವಾರು ಭಯಪಡುತ್ತಾರೆ. ಆದಾಗ್ಯೂ, ಸಮುದಾಯದ ಬಿಕ್ಕಟ್ಟನ್ನು ಎತ್ತಿ ತೋರಿಸುವ ಉದ್ದೇಶದಿಂದ, ಶೃಂಗಸಭೆಯನ್ನು ಜಿಲ್ಲೆಯಲ್ಲಿ ಆಯೋಜಿಸಲಾಗುತ್ತಿದ್ದು, ಇದು ಜಗತ್ತಿನಾದ್ಯಂತ ಕೊಡವರ ಭಾಗವಹಿಸುವಿಕೆಗೆ ಸಾಕ್ಷಿಯಾಗಲಿದೆ. ವಿದೇಶದಲ್ಲಿ ಸ್ಥಾಪಿಸಲಾಗಿರುವ ಸಮಾಜ ಸೇರಿದಂತೆ ಎಲ್ಲ ಕೊಡವ ಸಮಾಜಗಳ ಬೆಂಬಲ ಪಡೆದಿರುವ ಈ ಕಾರ್ಯಕ್ರಮಕ್ಕೆ ಸುಮಾರು 2 ಕೋಟಿಯಿಂದ 3 ಕೋಟಿ ರೂಪಾಯಿ ಹಣ ಹರಿದು ಬರುತ್ತಿದೆ ಎಂದು ನಿರನ್ ನಂಜಪ್ಪ ತಿಳಿಸಿದ್ದಾರೆ.