ಉಡುಪಿ: ಉಡುಪಿ ಜಿಲ್ಲೆಯ ರಾಷ್ಟ್ರೀಯ ಹೆದ್ದಾರಿ ಆ್ಯಕ್ಸಿಡೆಂಟ್ ಹಾಟ್ ಸ್ಪಾಟ್ ಆಗುತ್ತಿದ್ದು, 2023ರಲ್ಲಿ ಸಂಭವಿಸಿದ ವಿವಿಧ ಅಪಘಾತಗಳಲ್ಲಿ 222 ಸಾವು ಸಂಭವಿಸಿದೆ ಎಂದು ತಿಳಿದುಬಂದಿದೆ.

ಜಿಲ್ಲಾ ಪೊಲೀಸ್ ಇಲಾಖೆಯ ಇತ್ತೀಚಿನ ವರದಿಯ ಪ್ರಕಾರ, 2023 ರಲ್ಲಿ ರಾಷ್ಟ್ರೀಯ ಹೆದ್ದಾರಿ 66 ರಲ್ಲಿ ಹೆಜಮಾಡಿ ಮತ್ತು ಶಿರೂರು ನಡುವಿನ ರಸ್ತೆಯಲ್ಲಿ ಹೆಚ್ಚಿನ ಮಾರಣಾಂತಿಕ ಅಪಘಾತಗಳು ಸಂಭವಿಸಿದೆ.

2023ರಲ್ಲಿ ಇಲ್ಲಿ ಸಂಭವಿಸಿದ ಅಫಘಾತಗಳಲ್ಲಿ 222 ಜನರು ಸಾವನ್ನಪ್ಪಿದ್ದಾರೆ. ಈ ಅಪಘಾತಗಳಿಗೆ ಅವೈಜ್ಞಾನಿಕ ರಸ್ತೆ ವಿನ್ಯಾಸ, ಅಪೂರ್ಣ ಸರ್ವಿಸ್ ರಸ್ತೆಗಳು ಮತ್ತು ರಾಂಗ್ ಸೈಡ್ ರೈಡಿಂಗ್/ಡ್ರೈವಿಂಗ್ ಕಾರಣ ಎಂದು ವರದಿ ಹೇಳಿದೆ.

2023 ರಲ್ಲಿ ಮಾತ್ರವೇ ಈ ಪ್ರದೇಶದಲ್ಲಿ 1,284 ಅಪಘಾತಗಳು ಸಂಭವಿಸಿದ್ದು, ಇದರ ಪರಿಣಾಮವಾಗಿ 1,381 ಜನರು ಸಣ್ಣ ಮತ್ತು ದೊಡ್ಡ ಪ್ರಮಾಣದಲ್ಲಿ ಗಾಯಗೊಂಡಿದ್ದಾರೆ. ಈ ಆತಂಕಕಾರಿ ಅಂಕಿಅಂಶವು ತಕ್ಷಣದ ಸುರಕ್ಷತಾ ಮಧ್ಯಸ್ಥಿಕೆಗಳ ತೀವ್ರ ಅಗತ್ಯತೆಯ ಮೇಲೆ ಕೇಂದ್ರೀಕರಿಸಿದೆ.

ನಿರ್ಣಾಯಕ ಜಂಕ್ಷನ್‌ಗಳು ಮತ್ತು ಕರ್ವ್‌ಗಳಲ್ಲಿ (ತಿರುವುಗಳಲ್ಲಿ) ಅಸಮರ್ಪಕ ಸೂಚನಾ ಫಲಕಗಳು ಸೇರಿದಂತೆ ಹಲವಾರು ಅಂಶಗಳಿಂದಾಗಿ 107-ಕಿಲೋಮೀಟರ್ ವಿಸ್ತಾರವು ಅಪಘಾತಗಳ ಹಾಟ್‌ಸ್ಪಾಟ್ ಆಗಿ ಪರಿಣಮಿಸಿದೆ. ವಿಶೇಷವಾಗಿ ರಾತ್ರಿ ವೇಳೆಯಲ್ಲಿ ಅಪಾಯಕಾರಿಯಾಗುತ್ತಿವೆ. ಅತಿ ವೇಗ ಮತ್ತು ಅಜಾಗರೂಕ ಚಾಲನೆಯು ಹೆಚ್ಚಿನ ಅಪಘಾತದ ದರಕ್ಕೆ ಮತ್ತಷ್ಟು ಕೊಡುಗೆ ನೀಡುತ್ತದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಮೂರು ವರ್ಷಗಳ ಹಿಂದೆ, ವಿದ್ಯಾರ್ಥಿಗಳನ್ನು ಒಳಗೊಂಡ ಮಣಿಪಾಲದ ಎಂಐಟಿಯ ಪರಿಣಿತ ತಂಡವು ರಸ್ತೆ ವಿನ್ಯಾಸ ದೋಷಗಳ ಬಗ್ಗೆ ಅಧ್ಯಯನವನ್ನು ನಡೆಸಿತು ಮತ್ತು ಈ ಅಪಘಾತಗಳಿಗೆ ಕಾರಣವಾಗುವ 21 ಕಪ್ಪು ಚುಕ್ಕೆಗಳನ್ನು ಗುರುತಿಸಿತು.

ಪಡುಬಿದ್ರಿ, ಉಚ್ಚಿಲ, ಮೂಳೂರು, ಪಾಂಗಾಳ, ಅಂಬಲಪಾಡಿ ಜಂಕ್ಷನ್, ನಿಟ್ಟೂರು, ಅಂಬಾಗಿಲು, ಆಶೀರ್ವಾದ, ಸಂತೆಕಟ್ಟೆ ಜಂಕ್ಷನ್, ಬ್ರಹ್ಮಾವರ ಮಹೇಶ್ ಆಸ್ಪತ್ರೆ ಜಂಕ್ಷನ್, ಬ್ರಹ್ಮಾವರ ಆಕಾಶವಾಣಿ ಸರ್ಕಲ್, ಕುಮ್ರಗೋಡು ಕ್ರಾಸ್, ಕೋಟ ಜಂಕ್ಷನ್, ತೆಕ್ಕಟ್ಟೆ, ಕುಂಭಾಶಿ ಸ್ವಾಗತಪುರ, ಕುಂಭಾಶಿ ಸ್ವಾಗತ ಗೋಪುರ, ತಲ್ಲೂರು, ತ್ರಾಸಿ, ಯಡ್ತರೆ, ನೀರಗದ್ದೆ ಶಿರೂರು, ಮತ್ತು ಒಟ್ಟಿನೆಣೆದಲ್ಲಿ ನ್ಯೂನ್ಯತೆಗಳಿವೆ ಎನ್ನಲಾಗಿದೆ.

ಈ ಸಮಸ್ಯೆಗಳಿಗೆ ಉತ್ತರಿಸಿದ ಉಡುಪಿ ಜಿಲ್ಲಾಧಿಕಾರಿ ಡಾ.ವಿದ್ಯಾಕುಮಾರಿ ಅವರು ಅಪಘಾತಗಳನ್ನು ಕಡಿಮೆ ಮಾಡಲು ಸುಧಾರಣಾ ಕ್ರಮಗಳನ್ನು ಜಾರಿಗೆ ತರುವಂತೆ ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ (ಎನ್‌ಎಚ್‌ಎಐ) ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ರಸ್ತೆ ಸುರಕ್ಷತೆ ಸುಧಾರಣೆಗಳ ಬಗ್ಗೆ ಚರ್ಚಿಸಲು ಮತ್ತು ಸುರಕ್ಷತೆ ವರ್ಧನೆಗಳಿಗೆ ಆದ್ಯತೆ ನೀಡಲು ಮಾಸಿಕ ಸಭೆಗಳನ್ನೂ ನಡೆಸಲು ಎಂಜಿನಿಯರ್‌ಗಳಿಗೆ ಸೂಚಿಸಲಾಗಿದೆ.

ಇತ್ತೀಚೆಗೆ, ರಸ್ತೆಯ ಮೇಲ್ಮೈಯನ್ನು ಸ್ಟೋನ್ ಮ್ಯಾಟ್ರಿಕ್ಸ್ ಆಸ್ಫಾಲ್ಟ್ (SMA) ನೊಂದಿಗೆ ಸುಸಜ್ಜಿತಗೊಳಿಸಲಾಗಿದೆ, ಇದು ವಾಹನ ಬಳಕೆದಾರರಿಗೆ ಸವಾರಿ ಗುಣಮಟ್ಟವನ್ನು ಸುಧಾರಿಸುತ್ತದೆ ಎಂದು ಪ್ರಯಾಣಿಕರೊಬ್ಬರು ಹೇಳಿದ್ದಾರೆ.