ಬೆಂಗಳೂರು: ಆಸ್ತಿ ನೋಂದಣಿಗೆ ಸಂಬಂಧಿಸಿದಂತೆ ರಾಜ್ಯ ಸರ್ಕಾರವು ನಿಗದಿಪಡಿಸಿದ ನಿಯಮಗಳನ್ನು ಪಾಲಿಸದ ಕಾರಣಕ್ಕಾಗಿ ಬೆಂಗಳೂರಿನ ಮುದ್ರಾಂಕ ಮತ್ತು ನೋಂದಣಿ ಇಲಾಖೆಯ ಇಬ್ಬರು ಸಬ್ ರಿಜಿಸ್ಟ್ರಾರ್ಗಳನ್ನು ಅಮಾನತುಗೊಳಿಸಲಾಗಿದೆ.
ಇವರಿಬ್ಬರು ಬೇರೆ ಬೇರೆ ಕಚೇರಿಗಳಲ್ಲಿ ಕಳೆದ ಎರಡು ತಿಂಗಳಿನಿಂದ ಸರ್ಕಾರದಿಂದ ನಿಷೇಧಿತ ಭೌತಿಕ ಖಾತಾಗಳನ್ನು ಬಳಸಿಕೊಂಡು ನೋಂದಣಿಯನ್ನು ಮುಂದುವರೆಸಿದರು. ಅಕ್ರಮ ದಾಖಲಾತಿಗಾಗಿ ನಾಗವಾರದ ಕಾಚರಕನಹಳ್ಳಿ ಕಚೇರಿಯ ಸಬ್ ರಿಜಿಸ್ಟ್ರಾರ್ ಕುಮಾರಿ ರೂಪ ಮತ್ತು ಬೆಂಗಳೂರು ಉತ್ತರ ತಾಲೂಕಿನ ಹೆಸರಘಟ್ಟದ ಹಿರಿಯ ಸಬ್ ರಿಜಿಸ್ಟ್ರಾರ್ ಎನ್ ಮಂಜುನಾಥ್ ಅವರನ್ನು ಡಿಸೆಂಬರ್ 24 ರಂದು ಅಮಾನತುಗೊಳಿಸಲಾಗಿದೆ ಎಂದು ನೋಂದಣಿ ಇಲಾಖೆಯ ಮೂಲಗಳು ತಿಳಿಸಿವೆ.
ರಾಜ್ಯಾದ್ಯಂತ ನೋಂದಣಿಯಲ್ಲಿ ಪಾರದರ್ಶಕತೆಯನ್ನು ಖಚಿತಪಡಿಸಿಕೊಳ್ಳಲು, ಮುಖ್ಯ ಕಾರ್ಯದರ್ಶಿ ಅಕ್ಟೋಬರ್ 7, 2024 ರಂದು ಯಾವುದೇ ಆಸ್ತಿ ನೋಂದಣಿಯನ್ನು ಪೂರ್ಣಗೊಳಿಸಲು ಇ-ಖಾತಾ ಪ್ರಮಾಣಪತ್ರಗಳನ್ನು ಮಾನ್ಯ ದಾಖಲೆಯಾಗಿ ಬಳಸಬೇಕೆಂದು ಕಡ್ಡಾಯಗೊಳಿಸಿ ಆದೇಶ ಹೊರಡಿಸಿದ್ದರು. ಈ ಆದೇಶವು ಅಕ್ಟೋಬರ್ 28, 2024 ರಿಂದ ಜಾರಿಗೆ ಬರಬೇಕಿತ್ತು.
ಸ್ಟಾಂಪ್ಸ್ ಮತ್ತು ನೋಂದಣಿಯ ಇನ್ಸ್ಪೆಕ್ಟರ್ ಜನರಲ್ ಕೆ ಎ ದಯಾನಂದ ಅವರು ಕಾರ್ಯದರ್ಶಿ ಅವರು ಕಂದಾಯ ಇಲಾಖೆ ಮತ್ತು ಎಲ್ಲಾ ಜಿಲ್ಲಾ ರಿಜಿಸ್ಟ್ರಾರ್ಗಳಿಗೆ ಸೂಚಿಸಿರುವ ಆದೇಶಗಳಲ್ಲಿ ಒಂದು ಪ್ರತಿ ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಬಳಿಯಿದೆ. ಅಕ್ಟೋಬರ್ 7,2024 ಮತ್ತು ನವೆಂಬರ್ 26, 2024 ರ ನಡುವೆ ಅವರು ಹಸ್ತಚಾಲಿತ ಖಾತಾ ಪ್ರಮಾಣಪತ್ರವನ್ನು ಸ್ವೀಕರಿಸುವ ಮೂಲಕ 157 "ಅಕ್ರಮ ದಾಖಲಾತಿಗಳನ್ನು" ಮಾಡಿದ್ದರು ಎಂದು ಆದೇಶಗಳು ತಿಳಿಸಿವೆ.myd kf
ಸಮಸ್ಯೆಯ ಬಗ್ಗೆ ತನಿಖೆ ನಡೆಸಲು ತಂಡ ರಚಿಸಲಾಗಿದೆ ಎಂದು ಮೂಲವೊಂದು ತಿಳಿಸಿದೆ. ಇದಕ್ಕೆ ಅವಕಾಶ ನೀಡಿರುವ ಕಾವೇರಿ 2.0 ಸಾಫ್ಟ್ವೇರ್ನಲ್ಲಿ ಲೋಪದೋಷಗಳಿವೆಯೇ ಎಂದೂ ಪತ್ರದಲ್ಲಿ ಪ್ರಶ್ನಿಸಲಾಗಿದೆ. ಇದೇ ಕಾರಣಕ್ಕೆ ಮಂಜುನಾಥ್ ಕೂಡ ಅಮಾನತುಗೊಂಡಿದ್ದರು. ಭೌತಿಕ ಖಾತೆಯನ್ನು ಬಳಸಿಕೊಂಡು ಅವರು ಎಷ್ಟು ಆಸ್ತಿಯನ್ನು ನೋಂದಾಯಿಸಿದ್ದಾರೆ ಎಂಬುದು ಸ್ಪಷ್ಟವಾಗಿಲ್ಲ.
ಗುರುವಾರ ಕ್ರಿಸ್ಮಸ್ ಪ್ರಯುಕ್ತ ರಜೆ ಮತ್ತು ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರ ನಿಧನದ ಹಿನ್ನೆಲೆಯಲ್ಲಿ ಶುಕ್ರವಾರ ರಜೆ ಘೋಷಿಸಿರುವುದರಿಂದ ಎರಡೂ ಕಚೇರಿಗಳಲ್ಲಿ ಕೆಲಸ ಕಾರ್ಯಗಳಿಗೆ ಯಾವುದೇ ಪರಿಣಾಮ ಉಂಟಾಗಿಲ್ಲ ಎಂದು ನೋಂದಣಿ ಇಲಾಖೆಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.