ಬೆಂಗಳೂರು: ನಿನ್ನೆ ಮಂಡನೆಯಾದ ಕೇಂದ್ರ ಬಜೆಟ್ ನಲ್ಲಿ ನೈಋತ್ಯ ರೈಲ್ವೆ (ಎಸ್ಡಬ್ಲ್ಯುಆರ್) ವಲಯಕ್ಕೆ 7,329 ಕೋಟಿ ರೂ. ಅನುದಾನ ಮೀಸಲಿರಿಸಲಾಗಿದ್ದು, ಕರ್ನಾಟಕಕ್ಕೆ (ಬೀದರ್, ರಾಯಚೂರು ಮತ್ತು ಕಲಬುರಗಿ ಜೊತೆಗೆ ಎಸ್ಡಬ್ಲ್ಯೂಆರ್ ಸೇರಿದಂತೆ) 7,524 ಕೋಟಿ ರೂ. ಮೀಸಲಿರಿಸಲಾಗಿದೆ.
ಈ ಕುರಿತು ದೆಹಲಿಯಿಂದ ವಿಡಿಯೋ ಕಾನ್ಫರೆನ್ಸ್ ಮೂಲಕ ಮಾಧ್ಯಮಗಳಿಗೆ ಮಾಹಿತಿ ನೀಡಿದ ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್, "2009 ಮತ್ತು 2014 ರ ನಡುವಿನ ಸರಾಸರಿ ವಾರ್ಷಿಕ ವೆಚ್ಚವು 2024 ರಲ್ಲಿ 7,329 ಕೋಟಿ ರೂಪಾಯಿಗಳಿಗೆ ಹೋಲಿಸಿದರೆ ವಾರ್ಷಿಕ 835 ಕೋಟಿ ರೂ. ಇತ್ತೀಚಿನ ವರ್ಷಗಳಲ್ಲಿ ಹಂಚಿಕೆಯು ಹಿಂದಿನದಕ್ಕಿಂತ ಒಂಬತ್ತು ಪಟ್ಟು ಹೆಚ್ಚಾಗಿದೆ. SWR 2023-2024ರಲ್ಲಿ 9,200 ಕೋಟಿ ರೂ.ಗಳನ್ನು ಪಡೆದಿದ್ದರೆ, 2022-2023ರಲ್ಲಿ 6,900 ಕೋಟಿ ರೂ. ಹಂಚಿಕೆಯಾಗಿದೆ ಎಂದು ಹೇಳಿದರು.
ಅಂತೆಯೇ ಮೂಲಸೌಕರ್ಯಕ್ಕೆ ಹೆಚ್ಚಿನ ಒತ್ತು ನೀಡಲಾಗಿದ್ದು, ಹೊಸ ಮಾರ್ಗಗಳಿಗೆ 2,286 ಕೋಟಿ ರೂ. ಮತ್ತು ಟ್ರ್ಯಾಕ್ ಡಬ್ಲಿಂಗ್ಗೆ 1,531 ಕೋಟಿ ರೂ ಮೀಸಲಿಡಲಾಗಿದ್ದು, ಪ್ರಯಾಣಿಕರ ಸೌಕರ್ಯಗಳಿಗೆ 987 ಕೋಟಿ ರೂ. ಮೀಸಲಿಡಲಾಗಿದೆ ಎಂದರು.
ನೈಋತ್ಯ ರೈಲ್ವೆಯ ಅಧಿಕೃತ ಪ್ರಕಟಣೆಯು, “ಎಲ್ಲಾ ಪ್ರಮುಖ ನಿಲ್ದಾಣಗಳನ್ನು ಪುನರಾಭಿವೃದ್ಧಿ ಮಾಡಲಾಗುತ್ತಿದ್ದು, ಬೆಂಗಳೂರು ಕಂಟೋನ್ಮೆಂಟ್ ಮತ್ತು ಯಶವಂತಪುರ ನಿಲ್ದಾಣಗಳಲ್ಲಿ ಪುನರಾಭಿವೃದ್ಧಿ ಕಾರ್ಯ ಈಗಾಗಲೇ ಆರಂಭವಾಗಿದೆ. ಅಮೃತ್ ಭಾರತ್ ಸ್ಟೇಷನ್ಸ್ ಸ್ಕೀಮ್ ಅಡಿಯಲ್ಲಿ, SWR ನಲ್ಲಿ 48 ನಿಲ್ದಾಣಗಳನ್ನು ಪುನರಾಭಿವೃದ್ಧಿಗಾಗಿ ತೆಗೆದುಕೊಳ್ಳಲಾಗಿದೆ ಎಂದು ಹೇಳಲಾಗಿದೆ.
ಅಲ್ಲದೆ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು, ರೋಡ್ ಓವರ್ ಬ್ರಿಡ್ಜ್ ಮತ್ತು ರೋಡ್ ಅಂಡರ್ ಬ್ರಿಡ್ಜ್ ಕಾಮಗಾರಿಗೆ 341 ಕೋಟಿ ರೂ. ಯೋಜನೆಗಳನ್ನು ತ್ವರಿತವಾಗಿ ಕಾರ್ಯಗತಗೊಳಿಸಲು ಮೀಸಲಿಡಲಾಗಿದೆ. ಎಲ್ಲಾ ಭವಿಷ್ಯದ ಕಾಮಗಾರಿಗಳಿಗೆ ರೈಲ್ವೆ ಅಥವಾ ರಾಜ್ಯ ಸರ್ಕಾರದಿಂದ 100 ಪ್ರತಿಶತ ಹಣವನ್ನು ನೀಡಲಾಗುತ್ತದೆ. ಟ್ರಾಫಿಕ್ ಕಾಮಗಾರಿಗೆ 126.11 ಕೋಟಿ ರೂ. ಮತ್ತು ಹೊಸ ಮಾರ್ಗಗಳು/ಡಬ್ಲಿಂಗ್/ಕ್ವಾಡ್ರಪ್ಲಿಂಗ್ ಯೋಜನೆಗಳ ಸಮೀಕ್ಷೆಗಾಗಿ ಎಸ್ಡಬ್ಲ್ಯುಆರ್ಗೆ 22 ಕೋಟಿ ರೂ ಮೀಸಲಿಡಲಾಗಿದೆ.