ಬೆಂಗಳೂರು: ಬಂಡೀಪುರ ಹುಲಿ ಸಂರಕ್ಷಿತಾರಣ್ಯದಲ್ಲಿ ಹುಲಿಗಳ ನಡುವೆ ಭೀಕರ ಕಾದಾಟ ನಡೆದಿದ್ದು, ಕಾದಾಟದಲ್ಲಿ ಹೆಣ್ಣು ಹುಲಿಯೊಂದು ಗಾಯಗೊಂಡಿರುವ ವರದಿ ಕೇಳಿಬಂದಿದೆ.

ಬಂಡೀಪುರ ಹುಲಿ ಸಂರಕ್ಷಿತಾರಣ್ಯದ ಕುಂಧಕೆರೆ ವ್ಯಾಪ್ತಿಯ ಗಡಿ ಬಳಿ ಶುಕ್ರವಾರ ಗಂಡು ಹುಲಿಯೊಂದಿಗೆ ನಡೆದ ಕಾದಾಟದಲ್ಲಿ 11 ವರ್ಷದ ಹೆಣ್ಣು ಹುಲಿ ಗಾಯಗೊಂಡಿದೆ. ಪ್ರವಾಸಿಗರಿದ್ದ ಸಂದರ್ಭದಲ್ಲೇ ಈ ಭೀಕರ ಕಾಳಗ ನಡೆದಿದ್ದು, ಸ್ಥಳೀಯರು ಮತ್ತು ಪ್ರವಾಸಿಗರು ಘಟನೆಯನ್ನು ತಮ್ಮ ಮೊಬೈಲ್ ನಲ್ಲಿ ಫೋಟೋ ತೆಗೆಯುವುದಲ್ಲಿ ನಿರತರಾಗಿದ್ದರು ಎನ್ನಲಾಗಿದೆ.

ಪ್ರವಾಸಿಗರ ಚಟುವಟಿಕೆ ವ್ಯಾಪಕವಾಗುತ್ತಿದ್ದಂತೆಯೇ ಹುಲಿಗಳಲ್ಲಿ ಒಂದು ಮತ್ತೆ ಕಾಡಿಗೆ ಓಡಿಹೋಯಿತು. ಆದಾಗ್ಯೂ, ಜನಸಮೂಹ ಗಾಯಗೊಂಡ ಹುಲಿಯನ್ನು ಚಿತ್ರೀಕರಿಸುವುದನ್ನು ಮುಂದುವರೆಸಿತು ಎನ್ನಲಾಗಿದೆ.

ಪ್ರಾಣಿಗಳಲ್ಲ.. ಜನರನ್ನು ನಿರ್ವಹಿಸುವುದೇ ಸವಾಲು!

ಇನ್ನು ಕಾಡುಗಳಲ್ಲಿ ಪ್ರಾಣಿಗಳ ನಡುವೆ ಪ್ರಾದೇಶಿಕ ಕಾದಾಟಗಳು ಸಾಮಾನ್ಯವಾಗಿದ್ದರೂ, ಪ್ರಾಣಿಗಳು ಅರಣ್ಯ ಗಡಿಯ ಹೊರಗೆ ಇರುವಾಗ ಈ ವಿಷಯವು ಕಳವಳಕಾರಿಯಾಗುತ್ತದೆ. ಪ್ರಾಣಿಗಳನ್ನು ನಿರ್ವಹಿಸುವುದಕ್ಕಿಂತ ಹೆಚ್ಚಾಗಿ, ಗುಂಪನ್ನು ನಿರ್ವಹಿಸುವುದು ದೊಡ್ಡ ಸವಾಲಾಗುತ್ತದೆ ಎಂದು ಬಿಟಿಆರ್ ನಿರ್ದೇಶಕ ಎಸ್ ಪ್ರಭಾಕರನ್ ಹೇಳಿದರು.

'ಈ ಸಂದರ್ಭದಲ್ಲಿ, ಒಂದು ಹುಲಿ ಗಾಯಗೊಂಡಿದ್ದು, ಇನ್ನೊಂದು ಹುಲಿ ಮತ್ತೆ ಕಾಡಿಗೆ ಓಡಿಹೋಯಿತು. ಪ್ರಾಣಿಗಳು ದಾರಿ ತಪ್ಪಿ ಮಾನವ ಪ್ರದೇಶಗಳತ್ತ ಓಡಿಹೋಗಿ ಅಂತಿಮವಾಗಿ ಜನರನ್ನು ಗಾಯಗೊಳಿಸಿರುವ ಸಂದರ್ಭಗಳಿವೆ. ಎಲ್ಲಾ ವನ್ಯಜೀವಿ ಕಾರ್ಯಾಚರಣೆಗಳಲ್ಲಿ ದೊಡ್ಡ ಸವಾಲು ಎಂದರೆ ಜನಸಂದಣಿಯನ್ನು ನಿರ್ವಹಿಸುವುದು. ವಿಶೇಷವಾಗಿ ಹುಲಿಗಳು, ಚಿರತೆಗಳು, ಆನೆಗಳು ಮತ್ತು ಕರಡಿಗಳು ಇದರಲ್ಲಿ ಭಾಗವಹಿಸಿದಾಗ ಜನರನ್ನು ನಿರ್ವಹಿಸುವುದೇ ಸವಾಲು ಎಂದು ಪಶುವೈದ್ಯ ಅಧಿಕಾರಿಯೊಬ್ಬರು ಹೇಳಿದರು.

ಬೆಳಿಗ್ಗೆ 9.30 ಕ್ಕೆ ತಮಗೆ ಮಾಹಿತಿ ನೀಡಲಾಗಿತ್ತು ಮತ್ತು ಎರಡೂವರೆ ಗಂಟೆಗಳ ನಂತರ ಹುಲಿಯನ್ನು ರಕ್ಷಿಸಲು ಸಾಧ್ಯವಾಯಿತು ಎಂದು ಅರಣ್ಯಾಧಿಕಾರಿಗಳು ತಿಳಿಸಿದ್ದಾರೆ. ಆರಂಭಿಕ ವೈದ್ಯಕೀಯ ಪರೀಕ್ಷೆಯಲ್ಲಿ ಹುಲಿಯ ದೇಹದ ಮೇಲೆ ತೀವ್ರ ಗಾಯಗಳಾಗಿವೆ ಎಂದು ತಿಳಿದುಬಂದಿದೆ.

ಅದರ ಮುಂಗಾಲುಗಳು ತೀವ್ರವಾಗಿ ಗಾಯಗೊಂಡಿವೆ. ಅದರ ವಯಸ್ಸು ಮತ್ತು ಗಾಯಗಳನ್ನು ಗಮನದಲ್ಲಿಟ್ಟುಕೊಂಡು, ಅದನ್ನು ಮತ್ತೆ ಕಾಡಿಗೆ ಬಿಡುವ ಸಾಧ್ಯತೆಯಿಲ್ಲ ಎಂದು ರಕ್ಷಣಾ ಕೇಂದ್ರ ತಂಡ ತಿಳಿಸಿದೆ.

ಮಧ್ಯಾಹ್ನದ ನಂತರ ಗಾಯಾಳು ಹೆಣ್ಣು ಹುಲಿಯನ್ನು ಮೈಸೂರಿನ ಕೂರ್ಗಳ್ಳಿಯಲ್ಲಿರುವ ಚಾಮುಂಡಿ ಪ್ರಾಣಿ ಸಂರಕ್ಷಣೆ, ರಕ್ಷಣಾ ಮತ್ತು ಪುನರ್ವಸತಿ ಕೇಂದ್ರಕ್ಕೆ ಸ್ಥಳಾಂತರಿಸಲಾಯಿತು ಎನ್ನಲಾಗಿದೆ.

ಕಾಡು ಪ್ರಾಣಿಗಳ ಸುತ್ತಲಿನ ಜನರಿಗೆ ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದು, ಕಾಡು ಪ್ರಾಣಿಗಳ ಸುತ್ತಲಿನ ಜನರು ಸುರಕ್ಷಿತ ಅಂತರವನ್ನು ಕಾಯ್ದುಕೊಳ್ಳಬೇಕು ಮತ್ತು ಯಾವುದೇ ದೃಶ್ಯಗಳು ಕಂಡುಬಂದರೆ ತಕ್ಷಣ ಅರಣ್ಯಾಧಿಕಾರಿಗಳು ಅಥವಾ ತಜ್ಞರಿಗೆ ತಿಳಿಸಬೇಕು ಎಂದು ಸೂಚಿಸಿದ್ದಾರೆ.