ಬೆಂಗಳೂರು: ಬೇಸಿಗೆ ಆರಂಭವಾಗುತ್ತಿದ್ದಂತೆ ರಾಜ್ಯದಲ್ಲಿ ವಿದ್ಯುತ್ ಬೇಡಿಕೆ ಹೆಚ್ಚಾಗಿದೆ. ಕಳೆದ ಎರಡು ತಿಂಗಳಲ್ಲಿ ಗರಿಷ್ಠ ವಿದ್ಯುತ್ ಬೇಡಿಕೆ 18,000 ಮೆಗಾವ್ಯಾಟ್ ಮೀರಿದೆ. ಕಳೆದ ಫೆಬ್ರವರಿ ತಿಂಗಳಲ್ಲಿ, ಗರಿಷ್ಠ ವಿದ್ಯುತ್ ಬೇಡಿಕೆ 18,350 ಮೆಗಾವ್ಯಾಟ್ ತಲುಪಿತ್ತು. ಮೊನ್ನೆ ಮಾರ್ಚ್ 7 ರಂದು ವಿದ್ಯುತ್ ಬೇಡಿಕೆ 18,395 ಮೆಗಾವ್ಯಾಟ್ ತಲುಪಿದೆ.
ಕರ್ನಾಟಕ ವಿದ್ಯುತ್ ನಿಗಮ ನಿಯಮಿತ (KPCL) ವ್ಯವಸ್ಥಾಪಕ ನಿರ್ದೇಶಕ ಪಂಕಜ್ ಕುಮಾರ್ ಪಾಂಡೆ ಸುದ್ದಿಗಾರರೊಂದಿಗೆ ಮಾತನಾಡಿ, ವಿದ್ಯುತ್ ಬೇಡಿಕೆ ಮುಂದಿನ ತಿಂಗಳಲ್ಲಿ ಮತ್ತಷ್ಟು ಏರಿಕೆಯಾಗುವ ನಿರೀಕ್ಷೆಯಿದೆ. ಏಪ್ರಿಲ್ನಲ್ಲಿ 18,500 ಮೆಗಾವ್ಯಾಟ್ ತಲುಪಬಹುದು. ಭಾರೀ ಮಳೆಯಿಂದಾಗಿ ರೈತರು ಹೆಚ್ಚುವರಿ ಬೆಳೆ ಬೆಳೆಯಲು ಬಯಸುವುದರಿಂದ ಕೃಷಿ ವಲಯದಿಂದ ವಿದ್ಯುತ್ ಬೇಡಿಕೆಯಲ್ಲಿ ಶೇ. 15 ರಷ್ಟು ಏರಿಕೆಯಾಗಿದೆ ಎಂದರು.
2020-21ರಲ್ಲಿ ಗರಿಷ್ಠ ಬೇಡಿಕೆ 14,367 ಮೆಗಾವ್ಯಾಟ್, 2021-22ರಲ್ಲಿ 14,818 ಮೆಗಾವ್ಯಾಟ್, 2022-23ರಲ್ಲಿ 15,828 ಮೆಗಾವ್ಯಾಟ್ ಮತ್ತು 2023-24ರಲ್ಲಿ 17,220 ಮೆಗಾವ್ಯಾಟ್ ಆಗಿದ್ದವು. ಮುಂದಿನ ಏಪ್ರಿಲ್ ತಿಂಗಳಲ್ಲಿ ವಿದ್ಯುತ್ ಬೇಡಿಕೆ ಸುಮಾರು 18,294 ಮೆಗಾವ್ಯಾಟ್ ಆಗಬಹುದು. ಕಳೆದ ವರ್ಷ ಏಪ್ರಿಲ್ ತಿಂಗಳಲ್ಲಿ ರಾಜ್ಯದಲ್ಲಿ 16,985 ಮೆಗಾವ್ಯಾಟ್ ವಿದ್ಯುತ್ ಬಳಕೆಯಾಗಿತ್ತು. ಅದೇ ರೀತಿ, ಕಳೆದ ಮೇ ತಿಂಗಳಲ್ಲಿ 16,826 ಮೆಗಾವ್ಯಾಟ್ ಇದ್ದ ವಿದ್ಯುತ್ ಬೇಡಿಕೆ ಈ ವರ್ಷ ಮೇ ತಿಂಗಳಲ್ಲಿ 17,122 ಮೆಗಾವ್ಯಾಟ್ ಗೆ ಏರಿಕೆಯಾಗಲಿದೆ.
ಪಂಜಾಬ್ ಮತ್ತು ಉತ್ತರ ಪ್ರದೇಶ ಸರ್ಕಾರಗಳೊಂದಿಗೆ ಒಪ್ಪಂದ ಮಾಡಿಕೊಳ್ಳುವುದರಿಂದ 100-1400ಮೆಗಾವ್ಯಾಟ್ ವರೆಗಿನ ವಿದ್ಯುತ್ ವಿನಿಮಯ ಒಪ್ಪಂದಗಳ ಅಡಿಯಲ್ಲಿ ವಿದ್ಯುತ್ ಖರೀದಿಸುವಂತಹ ಬೇಡಿಕೆಯನ್ನು ಪೂರೈಸಲು ಸಾಕಷ್ಟು ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ ಎಂದು ಹೇಳಿದರು.
ಹೆಚ್ಚುವರಿಯಾಗಿ, ಮಾರ್ಚ್ 1ರಿಂದ 15 ರವರೆಗೆ, ಎನ್ ಟಿಪಿಸಿಯಿಂದ ಹೆಚ್ಚುವರಿಯಾಗಿ 310 ಮೆಗಾವ್ಯಾಟ್ ವಿದ್ಯುತ್ ಖರೀದಿಸಲಾಯಿತು. ಮಾರ್ಚ್ 15 ರಿಂದ 100 ಮೆಗಾವ್ಯಾಟ್ ಸ್ವಾಧೀನಪಡಿಸಿಕೊಳ್ಳಲಾಗಿದೆ. ಇಂಧನ ಭದ್ರತಾ ನೀತಿಯಡಿಯಲ್ಲಿ, ಪಿಎಸ್ ಸಿಕೆಎಲ್ ಮೇ ಅಂತ್ಯದವರೆಗೆ ಇತರ ರಾಜ್ಯಗಳಿಂದ ತಿಂಗಳಿಗೆ 1,000 ಮೆಗಾವ್ಯಾಟ್ ವಿದ್ಯುತ್ ಪಡೆಯಲು ಒಪ್ಪಿಕೊಂಡಿದೆ ಎಂದು ಇಂಧನ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಗೌರವ್ ಗುಪ್ತಾ ತಿಳಿಸಿದ್ದಾರೆ.