ರಾಜ್ಯದಲ್ಲಿ ಮಹಿಳಾ ನೇತೃತ್ವದ ಅಭಿವೃದ್ಧಿಗೆ ಸರ್ಕಾರದ ಬದ್ಧತೆಯನ್ನು ಪುನರುಚ್ಚರಿಸಿದ ಕಾನೂನು ಮತ್ತು ಸಂಸದೀಯ ವ್ಯವಹಾರಗಳು, ಶಾಸನ ಮತ್ತು ಪ್ರವಾಸೋದ್ಯಮ ಇಲಾಖೆ ಸಚಿವ ಹೆಚ್.ಕೆ.ಪಾಟೀಲ್ ಅವರು ಗ್ರಾಮೀಣ ಮತ್ತು ಅರೆ-ನಗರ ಪ್ರದೇಶಗಳಲ್ಲಿ ಮಹಿಳೆಯರಿಗೆ ಉದ್ಯಮಶೀಲತೆಯ ಅವಕಾಶಗಳನ್ನು ಬಲಪಡಿಸುವ ತುರ್ತು ಅಗತ್ಯವಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.

ಕರ್ನಾಟಕ ವಾಣಿಜ್ಯ ಮತ್ತು ಕೈಗಾರಿಕಾ ಒಕ್ಕೂಟ (FKCCI) ಆಯೋಜಿಸಿದ್ದ ಅಂತಾರಾಷ್ಟ್ರೀಯ ಮಹಿಳಾ ಉದ್ಯಮಶೀಲತಾ ದಿನದ ಅಂಗವಾಗಿ ಉದ್ಘಾಟನಾ ಭಾಷಣ ಮಾಡಿದ ಸಚಿವರು, ಹಳ್ಳಿಭಾಗಗಳಲ್ಲಿ ಕೂಡ ಮಹಿಳೆಯರು ಉದ್ಯಮಗಳನ್ನು ಸ್ಥಾಪಿಸಿ ಅವುಗಳನ್ನು ಮುಂದುವರಿಸಿಕೊಂಡು ಹೋಗಿ ಅಭಿವೃದ್ಧಿಪಡಿಸಲು ಸಬಲರಾದಾಗ ಮಾತ್ರ ಸಮತೋಲಿತ, ವಿಶಾಲ ಆಧಾರಿತ ಆರ್ಥಿಕ ಬೆಳವಣಿಗೆ ಸಾಧ್ಯ ಎಂದರು.

ಪ್ರತಿಯೊಬ್ಬ ಮಹಿಳೆಯೂ ಒಂದು ಕಲ್ಪನೆಯನ್ನು ಹೊಂದಿ, ಅದನ್ನು ಸುಸ್ಥಿರ ಉದ್ಯಮವಾಗಿ ಬೆಳೆಸಬಹುದೆಂದು ಖಚಿತಪಡಿಸಿಕೊಳ್ಳಲು ಆರ್ಥಿಕ ಪ್ರವೇಶ, ಮಾರುಕಟ್ಟೆ ಸಂಪರ್ಕಗಳು, ಡಿಜಿಟಲ್ ಮೂಲಸೌಕರ್ಯ, ಹೊಸ ಉದ್ಯಮ ಬೆಳೆಯಲು ಸಹಾಯ ಮಾಡುವಿಕೆ, ಬೆಂಬಲ ಮತ್ತು ಜಾಗತಿಕ ಪಾಲುದಾರಿಕೆಗಳನ್ನು ವಿಸ್ತರಿಸುವ ಸರ್ಕಾರದ ಬದ್ಧತೆಯನ್ನು ಸಚಿವರು ಪುನರುಚ್ಚರಿಸಿದರು.

"ಮಹಿಳಾ ಪಾಲ್ಗೊಳ್ಳುವಿಕೆ ಮಾತ್ರ ಮುಖ್ಯವಲ್ಲ; ಕರ್ನಾಟಕದ ಪ್ರಗತಿಗೆ ಇದು ಅನಿವಾರ್ಯವಾಗಿದೆ. ಮಹಿಳೆಯರು ಏಳಿಗೆ ಅಭಿವೃದ್ಧಿ ಹೊಂದಿದಾಗ, ಕುಟುಂಬಗಳು ಅಭಿವೃದ್ಧಿ ಹೊಂದುತ್ತವೆ. ಸಮುದಾಯಗಳು ಏಳಿಗೆಯಾಗುತ್ತವೆ ಮತ್ತು ಇಡೀ ರಾಜ್ಯ ಏಳಿಗೆಯಾಗುತ್ತದೆ. ಎಂದು ನುಡಿದರು.

ಕರ್ನಾಟಕವು ಶಿಕ್ಷಣ, ಆಡಳಿತ ಮತ್ತು ವೃತ್ತಿಪರ ಕ್ಷೇತ್ರಗಳಲ್ಲಿ ಮಹಿಳೆಯರ ಭಾಗವಹಿಸುವಿಕೆಯಲ್ಲಿ ಸ್ಥಿರವಾದ ಪ್ರಗತಿಯನ್ನು ಕಂಡಿದ್ದರೂ, ಉದ್ಯಮಶೀಲತೆ, ವಿಶೇಷವಾಗಿ ಗ್ರಾಮೀಣ ಪ್ರದೇಶ ಮತ್ತು ಗ್ರಾಮೀಣ ಸಮೂಹಗಳಲ್ಲಿ ಸಮಾನವಾಗಿಲ್ಲ ಮತ್ತು ಇನ್ನೂ ಅಷ್ಟು ಪ್ರಗತಿ ಕಂಡಿಲ್ಲ.

"ಶೈಕ್ಷಣಿಕ ಕ್ಷೇತ್ರದಲ್ಲಿ ಶೇಕಡಾ 80ಕ್ಕಿಂತ ಹೆಚ್ಚು ಹೆಣ್ಣು ಮಕ್ಕಳೇ ರ್ಯಾಂಕ್ ಹೊಂದಿದ್ದರೂ ಕೂಡ, ಭಾರತದ ನಾಗರಿಕ ಸೇವಾ ಪರೀಕ್ಷೆಗಳಲ್ಲಿ ಮಹಿಳೆಯರು ಉನ್ನತ ಶ್ರೇಣಿಯಲ್ಲಿ ತೇರ್ಗಡೆ ಹೊಂದುತ್ತಿರುವಾಗ ಉದ್ಯಮಶೀಲತೆಯಲ್ಲಿ ಕೂಡ ಮಹಿಳೆಯರು ಅದೇ ಶಕ್ತಿಯನ್ನು ಪ್ರತಿಬಿಂಬಿಸಬೇಕು" ಎಂದು ಹೇಳಿದರು. "ಬೆಂಗಳೂರಿನಲ್ಲಿ ನಾವು ಪ್ರಭಾವಶಾಲಿ ಮಹಿಳಾ ನಾಯಕತ್ವವನ್ನು ನೋಡುತ್ತೇವೆ, ಆದರೆ ಗ್ರಾಮೀಣ ಭಾರತವು ಇನ್ನೂ ಅಪಾರವಾದ ಬಳಕೆಯಾಗದ ಸಾಮರ್ಥ್ಯವನ್ನು ಹೊಂದಿದೆ." ಎಂದರು.

ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಆಯೋಜಿಸಿದ್ದಕ್ಕಾಗಿ ಮತ್ತು ಹಲವಾರು ಭರವಸೆಯ ಒಪ್ಪಂದಗಳಿಗೆ ಸಹಿ ಹಾಕಿದ್ದಕ್ಕಾಗಿ ಎಫ್ ಕೆಸಿಸಿಐಯನ್ನು ಅಭಿನಂದಿಸಿದ ಸಚಿವರು, ಅನುಷ್ಠಾನವನ್ನು ನಿಕಟವಾಗಿ ಮೇಲ್ವಿಚಾರಣೆ ಮಾಡಲು ಮತ್ತು ಈ ಸಹಯೋಗಗಳು ಅರ್ಥಪೂರ್ಣ ಫಲಿತಾಂಶಗಳಾಗಿ ರೂಪಾಂತರಗೊಳ್ಳುವುದನ್ನು ಖಚಿತಪಡಿಸಿಕೊಳ್ಳಲು, ವಿಶೇಷವಾಗಿ ಗ್ರಾಮೀಣ ಪ್ರದೇಶದ ಮಹಿಳೆಯರನ್ನು ಒತ್ತಾಯಿಸಿದರು.

"ಪ್ರತಿಯೊಬ್ಬ ಮಹಿಳೆ, ಅವರ ಹಿನ್ನೆಲೆಯನ್ನು ಲೆಕ್ಕಿಸದೆ, ಅವಕಾಶ, ಗೌರವ ಮತ್ತು ಮುನ್ನಡೆಸಲು ಸ್ವಾತಂತ್ರ್ಯವನ್ನು ಹೊಂದಿರುವ ಕರ್ನಾಟಕವನ್ನು ನಿರ್ಮಿಸಲು ನಾವು ಬದ್ಧರಾಗೋಣ." ಎಂದರು,