ಬೆಂಗಳೂರು: SIR-2026 ಮತದಾರರ ಪಟ್ಟಿ ಪರಿಷ್ಕರಣೆಯ ಸಮಯದಲ್ಲಿ ಕರ್ನಾಟಕದಲ್ಲಿ 1.11 ಕೋಟಿಗೂ ಹೆಚ್ಚು ಮತದಾರರನ್ನು ಗೈರುಹಾಜರಿ, ಸ್ಥಳಾಂತರಗೊಂಡವರು, ಸತ್ತವರು, ನಕಲು/ಈಗಾಗಲೇ ದಾಖಲಾಗಿರುವವರು ಮತ್ತು ಇತರರು ವರ್ಗದ ಅಡಿಯಲ್ಲಿ ಗುರುತಿಸಲಾಗಿದೆ, ಅವರಲ್ಲಿ 50 ಲಕ್ಷಕ್ಕೂ ಹೆಚ್ಚು ಜನರು ಬೆಂಗಳೂರಿನ ನಾಲ್ಕು ವಲಯಗಳಿಂದ ಬಂದವರಾಗಿದ್ದಾರೆ.
ಈ ಮತದಾರರನ್ನು ಪಟ್ಟಿಯಿಂದ ಹೊರಗಿಡಲಾಗಿಲ್ಲ ಮತ್ತು ಪರಿಶೀಲನೆಗೆ ಒಳಪಟ್ಟಿರುತ್ತದೆ ಎಂದು ಚುನಾವಣಾ ಆಯೋಗ ತಿಳಿಸಿದೆ.
ಪ್ರಕ್ರಿಯೆ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ಮುಖ್ಯ ಚುನಾವಣಾ ಆಯುಕ್ತ ವಿ ಅನ್ಬುಕುಮಾರ್, ಎನುಮರೇಷನ್ ಫಾರ್ಮ್ ಗಳ ವಿತರಣೆ ಶೇ.100 ರಷ್ಟು ಪೂರ್ಣಗೊಂಡಿದೆ. ಡಿಜಿಟೈಸೇಷನ್ ಶೇ.79.93 ರಷ್ಟು ಪೂರ್ಣಗೊಂಡಿದ್ದು, ಆ.05 ರಂದು ಮಧ್ಯಾಹ್ನ 2 ಗಂಟೆ ವೇಳೆಗೆ 22,977 ಫಾರ್ಮ್ ಗಳು ಬಾಕಿ ಉಳಿದಿವೆ ಎಂದು ತಿಳಿಸಿದ್ದಾರೆ.
"ಜೂನ್ 16, 2026 ರ ಹೊತ್ತಿಗೆ, ಮತದಾರರ ಪಟ್ಟಿಯಲ್ಲಿ 5,54,32,314 ಮತದಾರರಿದ್ದಾರೆ. ಗಣತಿ ನಮೂನೆಗಳನ್ನು ಮುದ್ರಿಸಿ ಬಿಎಲ್ಒಗಳಿಗೆ ತಲುಪಿಸಲಾಗಿದೆ" ಎಂದು ಅವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಪ್ರಕಟಣೆಯ ಪ್ರಕಾರ, 4.43 ಕೋಟಿ ಎಣಿಕೆ ನಮೂನೆಗಳನ್ನು ಡಿಜಿಟಲೀಕರಣಗೊಳಿಸಲಾಗಿದೆ, ಆದರೆ ಎಎಸ್ಡಿಡಿಒ ವರ್ಗದ ಅಡಿಯಲ್ಲಿ ಪಟ್ಟಿ ಮಾಡಲಾದ ಮತದಾರರಿಗೆ ಸಂಬಂಧಿಸಿದ ಎಲ್ಲಾ 5.54 ಕೋಟಿ ನಮೂನೆಗಳನ್ನು ಪ್ರಕ್ರಿಯೆಗೊಳಿಸಲಾಗಿದೆ.
ಒಟ್ಟು 1.11 ಕೋಟಿ ಮತದಾರರನ್ನು, ಅಂದರೆ ಶೇ. 20.03 ರಷ್ಟು ಮತದಾರರನ್ನು ಗೈರುಹಾಜರಿ, ಸ್ಥಳಾಂತರಗೊಂಡವರು, ಸತ್ತವರು, ನಕಲು/ಈಗಾಗಲೇ ದಾಖಲಾಗಿರುವವರು ಮತ್ತು ಇತರರು ಎಂದು ವರ್ಗೀಕರಿಸಲಾಗಿದೆ, ಉಳಿದಿರುವುದು ಕೇವಲ 22,977 ನಮೂನೆಗಳು ಅಥವಾ ಶೇ. 0.04 ರಷ್ಟು ಮಾತ್ರ ಡಿಜಿಟಲೀಕರಣಕ್ಕೆ ಬಾಕಿ ಉಳಿದಿದೆ.
ಈ ವರ್ಗದಲ್ಲಿ 66,64,943 ಶಾಶ್ವತವಾಗಿ ಸ್ಥಳಾಂತರಗೊಂಡ ಮತದಾರರು, 16,30,012 ಗೈರುಹಾಜರಾದ ಅಥವಾ ಪತ್ತೆಯಾಗದ ಮತದಾರರು, 16,30,872 ಮೃತ ಮತದಾರರು, ಈಗಾಗಲೇ ಬೇರೆಡೆ ದಾಖಲಾಗಿರುವ 6,89,904 ಮತದಾರರು ಮತ್ತು ಇತರ ಕಾರಣಗಳ ಅಡಿಯಲ್ಲಿ ಪಟ್ಟಿ ಮಾಡಲಾದ 4,88,974 ಪ್ರಕರಣಗಳು ಸೇರಿವೆ.
ASDDO ವರ್ಗದ ಅಡಿಯಲ್ಲಿ ಪಟ್ಟಿ ಮಾಡಲಾದ ಮತದಾರರನ್ನು ಮತದಾರರ ಪಟ್ಟಿಯಿಂದ ತೆಗೆದುಹಾಕಲಾಗಿಲ್ಲ ಎಂದು ಪ್ರಕಟಣೆ ಸ್ಪಷ್ಟಪಡಿಸಿದೆ. ASDDO ಪಟ್ಟಿಗಳನ್ನು ಮಾನ್ಯತೆ ಪಡೆದ ರಾಜಕೀಯ ಪಕ್ಷಗಳೊಂದಿಗೆ ಹಂಚಿಕೊಳ್ಳಲಾಗಿದೆ ಮತ್ತು ಪರಿಶೀಲನೆಗಾಗಿ ಬೂತ್ ಮಟ್ಟದ ಅಧಿಕಾರಿಗಳೊಂದಿಗೆ ಲಭ್ಯವಿದೆ ಎಂದು ಆಯೋಗ ಹೇಳಿದೆ.
ASDDO ಎಂದು ತಪ್ಪಾಗಿ ವರ್ಗೀಕರಿಸಲಾದ ಮತದಾರರು ಆಗಸ್ಟ್ 8 ರವರೆಗೆ BLO ಅಥವಾ ಚುನಾವಣಾ ನೋಂದಣಿ ಅಧಿಕಾರಿ ಮೂಲಕ ತಮ್ಮ ಎಣಿಕೆ ನಮೂನೆಗಳನ್ನು ಮರುಸ್ಥಾಪಿಸಬಹುದು.
ಜಿಲ್ಲಾವಾರು ದತ್ತಾಂಶ ಬೆಂಗಳೂರು ASDDO ವರ್ಗದ ಅಡಿಯಲ್ಲಿ ಪಟ್ಟಿ ಮಾಡಲಾದ ಅತಿ ಹೆಚ್ಚು ಮತದಾರರನ್ನು ಹೊಂದಿದೆ ಎಂದು ತೋರಿಸುತ್ತದೆ.
ಬೆಂಗಳೂರು ನಗರದಲ್ಲಿ 18,13,010 (ಶೇ. 45.09), ಬಿಬಿಎಂಪಿ ದಕ್ಷಿಣದಲ್ಲಿ 11,07,678 (ಶೇ. 51.65), ಬಿಬಿಎಂಪಿ ಉತ್ತರದಲ್ಲಿ 11,07,027 (ಶೇ. 47.46) ಮತ್ತು ಬಿಬಿಎಂಪಿ ಕೇಂದ್ರದಲ್ಲಿ 9,15,035 (ಶೇ. 48.42) ಮತದಾರರಿದ್ದಾರೆ.
ಹೆಚ್ಚಿನ ಎಎಸ್ಡಿಡಿಒ ಸಂಖ್ಯೆಗಳನ್ನು ಹೊಂದಿರುವ ಇತರ ಜಿಲ್ಲೆಗಳೆಂದರೆ ಅದು ಮೈಸೂರು (5,72,509), ಕಲಬುರಗಿ (5,35,403), ಬೆಳಗಾವಿ (5,07,983), ರಾಯಚೂರು (3,21,107), ವಿಜಯಪುರ (3,01,264) ಮತ್ತು ಧಾರವಾಡ (2,81,242) ಜಿಲ್ಲೆಗಳಾಗಿವೆ.
ಉಡುಪಿ ಜಿಲ್ಲೆಯಲ್ಲಿ ಅತಿ ಹೆಚ್ಚು ಗಣತಿ ನಮೂನೆ ಡಿಜಿಟಲೀಕರಣ ದರ ಶೇ.93.95 ರೊಂದಿಗೆ ದಾಖಲಾಗಿದ್ದು, ಹಾವೇರಿ (ಶೇ.91.38), ಉತ್ತರ ಕನ್ನಡ (ಶೇ.91.27) ಮತ್ತು ದಕ್ಷಿಣ ಕನ್ನಡ (ಶೇ.91.16) ನಂತರದ ಸ್ಥಾನದಲ್ಲಿವೆ ಎಂದು ಸಿಇಒ ಹೇಳಿದ್ದಾರೆ.
ಬಿಬಿಎಂಪಿ ದಕ್ಷಿಣ ಜಿಲ್ಲೆಯಲ್ಲಿ ಶೇ.48.35 ರೊಂದಿಗೆ ಕಡಿಮೆ ಡಿಜಿಟಲೀಕರಣ ದರ ದಾಖಲಾಗಿದ್ದು, ನಂತರ ಬಿಬಿಎಂಪಿ ಕೇಂದ್ರ (ಶೇ.51.58), ಬಿಬಿಎಂಪಿ ಉತ್ತರ (ಶೇ.52.54) ಮತ್ತು ಬೆಂಗಳೂರು ನಗರ (ಶೇ.54) ನಂತರದ ಸ್ಥಾನದಲ್ಲಿವೆ.
ಬೆಂಗಳೂರು ಮತ್ತು ಗ್ರೇಟರ್ ಬೆಂಗಳೂರು ಪ್ರದೇಶಕ್ಕೆ ಸಂಬಂಧಿಸಿದಂತೆ, ಅಕ್ಟೋಬರ್ 1, 2026 ರಂದು ಅಥವಾ ಅದಕ್ಕೂ ಮೊದಲು 18 ವರ್ಷ ವಯಸ್ಸಿನ ಅರ್ಹ ನಾಗರಿಕರ ನೋಂದಣಿಗೆ ಅನುಕೂಲವಾಗುವಂತೆ 10 ಲಕ್ಷ ಫಾರ್ಮ್ -6 ಅರ್ಜಿಗಳನ್ನು ಮುದ್ರಿಸಿ ಚುನಾವಣಾ ನೋಂದಣಿ ಅಧಿಕಾರಿಗಳಿಗೆ ಸರಬರಾಜು ಮಾಡಲಾಗಿದೆ ಎಂದು ಸಿಇಒ ಹೇಳಿದರು.
ಜೂನ್ 16 ಮತ್ತು ಆಗಸ್ಟ್ 4 ರ ನಡುವೆ, ಚುನಾವಣಾ ಅಧಿಕಾರಿಗಳು 12,20,312 ಅರ್ಜಿಗಳನ್ನು ಸ್ವೀಕರಿಸಿದ್ದಾರೆ. ಇದರಲ್ಲಿ 3,72,201 ಫಾರ್ಮ್ -6 ಅರ್ಜಿಗಳು, 3,207 ಫಾರ್ಮ್ -6ಎ ಅರ್ಜಿಗಳು, 30,952 ಫಾರ್ಮ್ -7 ಅರ್ಜಿಗಳು ಮತ್ತು 8,13,952 ಫಾರ್ಮ್ -8 ಅರ್ಜಿಗಳು ಸೇರಿವೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.