ಸಮೀಕ್ಷಾ ವರದಿಯೊಂದರ ಪ್ರಕಾರ ಭಾರತದಲ್ಲಿ ಲಿವ್-ಇನ್-ರಿಲೇಷನ್ ಶಿಪ್ ನ್ನು ಶೇ.80 ರಷ್ಟು ಜನರು ಬೆಂಬಲಿಸುತ್ತಾರೆ ಎಂದು ಇನ್ಶಾರ್ಟ್ಸ್ ಎಂಬ ಸುದ್ದಿ ಆಪ್ ನಡೆಸಿದ ಪೋಲಿಂಗ್ ನಲ್ಲಿ ತಿಳಿದುಬಂದಿದೆ. 

ಮೇ ತಿಂಗಳ ಎರಡನೇ ವಾರ 1.4 ಲಕ್ಷ ನೆಟಿಜನ್ ಗಳು ಸಮೀಕ್ಷೆಯಲ್ಲಿ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದರು. ಈ ಪೈಕಿ ಶೇ.80 ರಷ್ಟು ಜನರು 18-35 ವಯಸ್ಸಿನವರಾಗಿದ್ದರು.  ಸಮೀಕ್ಷೆಯ ವರದಿಯ ಪ್ರಕಾರ ಶೇ.80 ರಷ್ಟು ಜನರ ಪ್ರಕಾರ ಲಿವ್-ಇನ್-ರಿಲೇಷನ್ ನ್ನು ಭಾರತದಲ್ಲಿ ಇನ್ನೂ ಬಹಿಷ್ಕಾರ ದೃಷ್ಟಿಯಿಂದ ನೋಡುತ್ತಾರೆ. ಶೇ.47 ರಷ್ಟು ಜನ ಲಿವ್-ಇನ್ ರಿಲೇಷನ್ ಶಿಪ್ ಗಿಂತಲೂ ವಿವಾಹವೇ ಉತ್ತಮವಾದ ಆಯ್ಕೆ ಎಂಬ ಅಭಿಪ್ರಾಯ ಹೊಂದಿದ್ದಾರೆ. 

ಶೇ.80 ರಷ್ಟು ಜನರು ಲಿವ್-ಇನ್ ರಿಲೇಷನ್ ಶಿಪ್ ನ್ನು ಬೆಂಬಲಿಸುವುದಾಗಿ ಹೇಳಿದರೆ, ಶೇ.26 ರಷ್ಟು ಜನರು ವಿವಾಹಕ್ಕಿಂತಲೂ ಜೀವನ ಪರ್ಯಂತ ಲಿವ್ ಇನ್ ರಿಲೇಷನ್ ಶಿಪ್ ನ್ನೇ ಆಯ್ಕೆ ಮಾಡಿಕೊಳ್ಳುವುದಾಗಿ ಹೇಳಿದ್ದಾರೆ.