ದಿನಾ ಶಾಂಪೂ ಹಾಕಿದ್ರೆ ಕೂದಲು ಉದುರುತ್ತಾ? AI Image
ಜೀವನಶೈಲಿ

ದಿನಾ ಶಾಂಪೂ ಹಾಕಿದ್ರೆ ಕೂದಲು ಉದುರುತ್ತಾ? ವಾರಕ್ಕೆ ಎಷ್ಟು ಸಲ ಹಾಕಿದ್ರೆ ಕೂದಲು ದಪ್ಪ ಆಗುತ್ತೆ?

ಕೂದಲು ಉದುರೋಕೆ ಶಾಂಪೂನೇ ಕಾರಣವಾ ಅಂತ ತುಂಬಾ ಜನ ಕೇಳ್ತಾರೆ. ನಿಜ ಹೇಳಬೇಕಂದ್ರೆ ಶಾಂಪೂ ತಪ್ಪಲ್ಲ, ಅದನ್ನು ಹಾಕೋ ರೀತಿ! ದಿನಾ ಹಾಕಿದ್ರೂ ಸಮಸ್ಯೆ, 10 ದಿನಕ್ಕೊಮ್ಮೆ ಹಾಕಿದ್ರೂ ಸಮಸ್ಯೆ. ಹಾಗಾದ್ರೆ, ಎಷ್ಟು ದಿನಕ್ಕೊಮ್ಮೆ ಹಾಕಬೇಕು ಗೊತ್ತಾ?

ದಿನಾ ಶಾಂಪೂ ಹಾಕಿದ್ರೆ ಕೂದಲು ಉದುರುತ್ತಾ, ವಾರಕ್ಕೆ ಎಷ್ಟು ಸಲ ಹಾಕಿದ್ರೆ ಕೂದಲು ದಪ್ಪ ಆಗುತ್ತೆ ಗೊತ್ತಾ ನಿಮ್ಮ ಕೂದಲು ಎಣ್ಣೆ ಜಿಡ್ಡಿನದ್ದಾ, ಡ್ರೈನಾ, ಅದಕ್ಕೆ ತಕ್ಕಂತೆ ಶಾಂಪೂ ಹಾಕೋ ಸರಿಯಾದ ಲೆಕ್ಕ ಇಲ್ಲಿದೆ. ಕೂದಲು ಉದುರೋಕೆ ಶಾಂಪೂನೇ ಕಾರಣವಾ ಅಂತ ತುಂಬಾ ಜನ ಕೇಳ್ತಾರೆ. ನಿಜ ಹೇಳಬೇಕಂದ್ರೆ ಶಾಂಪೂ ತಪ್ಪಲ್ಲ, ಅದನ್ನು ಹಾಕೋ ರೀತಿ, ಹಾಕೋ ಸಂಖ್ಯೆ ತಪ್ಪು. ದಿನಾ ಹಾಕಿದ್ರೂ ಸಮಸ್ಯೆ, 10 ದಿನಕ್ಕೊಮ್ಮೆ ಹಾಕಿದ್ರೂ ಸಮಸ್ಯೆ. ನಿಮ್ಮ ಕೂದಲಿನ ಟೈಪ್ ಗೆ ತಕ್ಕಂತೆ ಶಾಂಪೂ ಹಾಕಿದ್ರೆ ಮಾತ್ರ ಕೂದಲು ಆರೋಗ್ಯವಾಗಿರುತ್ತೆ, ಉದುರೋದು ಕಡಿಮೆ ಆಗುತ್ತೆ:

ವಾರಕ್ಕೆ ಎಷ್ಟು ಬಾರಿ ಹಾಕಬೇಕು?

ಡರ್ಮಟಾಲಜಿಸ್ಟ್ ಗಳ ಪ್ರಕಾರ ಸಾಮಾನ್ಯವಾಗಿ ವಾರಕ್ಕೆ 2 ರಿಂದ 3 ಬಾರಿ ಶಾಂಪೂ ಹಾಕೋದು ಬೆಸ್ಟ್.

  • ಎಣ್ಣೆ ಜಿಡ್ಡಿನ ಕೂದಲು, ಸ್ಕಾಲ್ಪ್ ಬೇಗ ಜಿಡ್ಡು ಆಗೋರು: ವಾರಕ್ಕೆ 3 ಬಾರಿ, ಬೇಕಾದರೆ ದಿನ ಬಿಟ್ಟು ದಿನ ಹಾಕಬಹುದು. ಜಿಡ್ಡು ತೆಗೆದಿಲ್ಲ ಅಂದ್ರೆ ಹೊಟ್ಟು, ತುರಿಕೆ, ಕೂದಲು ಉದುರೋದು ಜಾಸ್ತಿ ಆಗುತ್ತೆ.

  • ಡ್ರೈ, ಒಣ ಕೂದಲು ಇರೋರು: ವಾರಕ್ಕೆ 1 ರಿಂದ 2 ಬಾರಿ ಸಾಕು. ಜಾಸ್ತಿ ಹಾಕಿದ್ರೆ ಕೂದಲಿನ ನೈಸರ್ಗಿಕ ಎಣ್ಣೆ ಹೋಗಿ ಕೂದಲು ಇನ್ನೂ ಡ್ರೈ ಆಗಿ ತುದಿ ಒಡೆಯುತ್ತೆ.

  • ನಾರ್ಮಲ್ ಕೂದಲು ಇರೋರು: ವಾರಕ್ಕೆ 2 ಬಾರಿ ಸಾಕು.

  • ಕೂದಲು ಬಣ್ಣ ಹಚ್ಚಿರೋರು, ಕೂದಲು ಸ್ಟ್ರೈಟ್ ಮಾಡಿಸಿರೋರು: ವಾರಕ್ಕೆ 1 ರಿಂದ 2 ಬಾರಿ, ಸಲ್ಫೇಟ್ ಇಲ್ಲದ ಮೈಲ್ಡ್ ಶಾಂಪೂ ಬಳಸಬೇಕು.

ದಿನಾ ಶಾಂಪೂ ಹಾಕಿದ್ರೆ ಏನಾಗುತ್ತೆ?

ದಿನಾ ಶಾಂಪೂ ಹಾಕಿದ್ರೆ ತಲೆ ಚರ್ಮದ ಮೇಲಿನ ನೈಸರ್ಗಿಕ ಎಣ್ಣೆ, ಸೆಬಮ್ ಹೋಗಿ ಬಿಡುತ್ತದೆ. ಆಗ ಕೂದಲು ಒಣಗಿ, ಸಿಕ್ಕು ಬಿದ್ದು, ತುದಿ ಒಡೆದು ಉದುರೋಕೆ ಶುರುವಾಗುತ್ತದೆ. ಸ್ಕಾಲ್ಪ್ ಡ್ರೈ ಆಗಿ ಹೊಟ್ಟು ಬರಬಹುದು. ಕೆಲವರಿಗೆ ತಲೆ ಚರ್ಮ ಇನ್ನೂ ಜಾಸ್ತಿ ಎಣ್ಣೆ ಉತ್ಪಾದಿಸಿ ಕೂದಲು ಇನ್ನೂ ಜಿಡ್ಡು ಆಗುತ್ತದೆ. ಹಾಗಾಗಿ ದಿನಾ ಹಾಕೋದು ಕೂದಲಿಗೆ ಒಳ್ಳೆಯದಲ್ಲ.

ತುಂಬಾ ದಿನ ಶಾಂಪೂ ಹಾಕದಿದ್ರೆ ಏನಾಗುತ್ತೆ?

10-15 ದಿನ ಶಾಂಪೂ ಹಾಕದೇ ಇದ್ದರೆ ಧೂಳು, ಬೆವರು, ಜಿಡ್ಡು ಸ್ಕಾಲ್ಪ್ ನಲ್ಲಿ ಕೂತು ರಂಧ್ರ ಮುಚ್ಚಿ ಬಿಡುತ್ತದೆ. ಇದರಿಂದ ತುರಿಕೆ, ಹೊಟ್ಟು, ಫಂಗಲ್ ಇನ್ಫೆಕ್ಷನ್, ಕೂದಲು ಉದುರೋದು ಜಾಸ್ತಿ ಆಗುತ್ತದೆ. ಕೂದಲು ಅಂಟು ಅಂಟಾಗಿ, ದುರ್ವಾಸನೆ ಬರುತ್ತದೆ.

ಹಾಗಾದ್ರೆ, ಶಾಂಪೂ ಹಾಕೋ ಸರಿಯಾದ ವಿಧಾನವೇನು:

ಶಾಂಪೂವನ್ನು ನೇರವಾಗಿ ಕೂದಲಿಗೆ ಹಾಕಬೇಡಿ. ಸ್ವಲ್ಪ ನೀರಿನಲ್ಲಿ ದುರ್ಬಲ ಮಾಡಿ ಮೊದಲು ಸ್ಕಾಲ್ಪ್ ಗೆ ಹಾಕಿ, ಬೆರಳ ತುದಿಯಿಂದ ಮೆದುವಾಗಿ ಮಸಾಜ್ ಮಾಡಿ. ಕೂದಲಿನ ತುದಿಗೆ ಶಾಂಪೂ ಉಜ್ಜಬೇಡಿ, ಅದು ಡ್ರೈ ಆಗುತ್ತದೆ. ತೊಳೆಯುವಾಗ ಕೂದಲು ಒದ್ದೆ ಇರುವಾಗ ಬಾಚಬೇಡಿ.

ಶಾಂಪೂ ನಂತರ ಕಂಡಿಷನರ್ ಅನ್ನು ಸ್ಕಾಲ್ಪ್ ಗೆ ಹಾಕಬೇಡಿ, ಕೂದಲಿನ ಮಧ್ಯದಿಂದ ತುದಿಯವರೆಗೆ ಮಾತ್ರ ಹಾಕಿ. ಕೂದಲನ್ನು ಬಿಸಿ ನೀರಿನಿಂದ ತೊಳೆಯಬೇಡಿ, ಉಗುರು ಬೆಚ್ಚಗಿನ ನೀರು ಬಳಸಿ. ಶಾಂಪೂ ಮಾಡಿದ ಕೂದಲನ್ನು ಟವಲ್ ನಿಂದ ರಬ್ ಮಾಡಿ ಒಣಗಿಸಬೇಡಿ, ಮೆದುವಾಗಿ ಒತ್ತಿ ನೀರು ತೆಗೆಯಿರಿ.

ಯಾವ ಶಾಂಪೂ ಬೆಸ್ಟ್:

ಸಲ್ಫೇಟ್, ಪ್ಯಾರಾಬೆನ್ ಕಡಿಮೆ ಇರೋ ಶಾಂಪೂ ಆಯ್ಕೆ ಮಾಡಿ. ಹೊಟ್ಟು ಇದ್ದರೆ ಆಂಟಿ ಡ್ಯಾಂಡ್ರಫ್ ಶಾಂಪೂ, ಕೂದಲು ಉದುರ್ತಿದ್ರೆ ಬಯೋಟಿನ್, ಕೆರಾಟಿನ್ ಇರೋ ಶಾಂಪೂ ಬಳಸಿ. ಯಾವಾಗಲೂ ನಿಮ್ಮ ಕೂದಲಿನ ಟೈಪ್ ಗೆ ತಕ್ಕ ಶಾಂಪೂ ಬಳಸಿ. ಸಮಸ್ಯೆ ಜಾಸ್ತಿ ಇದ್ದರೆ ಡರ್ಮಟಾಲಜಿಸ್ಟ್ ಸಲಹೆ ಪಡೆಯಿರಿ.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

ಪೊಲೀಸ್ ಇಲಾಖೆಯಲ್ಲಿ ಮಹತ್ವದ ಬದಲಾವಣೆ: ಬೆಂಗಳೂರಿಗೆ 6 ಹೊಸ ಪೊಲೀಸ್‌ ಆಯುಕ್ತರ ನೇಮಕ, ಯಾರು ಹೊಸ ಕಮಿಷನರ್?

ಭಾರತೀಯ ಚಿತ್ರರಂಗದಲ್ಲಿ ಅತೀ ವೇಗವಾಗಿ ₹1500 ಕೋಟಿ ಕ್ಲಬ್ ಸೇರಿದ ರಾಮಾಯಣ; ಧುರಂಧರ್ ದಾಖಲೆ ಧೂಳಿಪಟ!

ಚಿಕ್ಕಬಳ್ಳಾಪುರ ಬಳಿ ಭೀಕರ ಅಪಘಾತ: ಬೊಲೆರೊಗೆ ಕಾರು ಡಿಕ್ಕಿ; ಸ್ಥಳದಲ್ಲೇ ನಾಲ್ವರು ದುರ್ಮರಣ!

ರಾಮಾಯಣ 2 ಬಗ್ಗೆ ಬಿಗ್ ಅಪ್‌ಡೇಟ್: ಹನುಮಂತನ ಪಾತ್ರದಲ್ಲಿ ಸನ್ನಿ ಡಿಯೋಲ್ ಅಬ್ಬರ; ವಾನರ ಸೇನೆಯ 'ಅದ್ಭುತ ದೃಶ್ಯಗಳು'!

ICICI ಬ್ಯಾಂಕ್ ಮಾಜಿ ಸಿಇಒ ಚಂದಾ ಕೊಚ್ಚರ್ ವಿರುದ್ಧ ಪ್ರಾಸಿಕ್ಯೂಷನ್‌ಗೆ ಅನುಮತಿ ರದ್ದುಗೊಳಿಸಿದ ಬಾಂಬೆ ಹೈಕೋರ್ಟ್!