ನವದೆಹಲಿ: ಇಂಡಿಯಾವನ್ನು ಭಾರತವನ್ನಾಗಿ ಮರುನಾಮಕರಣ ಮಾಡುವಂತೆ ಸಲ್ಲಿಸಿದ್ದ ಅರ್ಜಿಯನ್ನು ತಿರಸ್ಕರಿಸಿರುವ ಸುಪ್ರೀಂ ಕೋರ್ಟ್, ಕೇವಲ ಮನರಂಜನೆಗಾಗಿ ಸಲ್ಲಿಸಿರುವ ಮರುನಾಮಕರಣ ಅರ್ಜಿ ಸಲ್ಲದು ಎಂದಿದೆ.
ಇಂಡಿಯಾ-ಭಾರತ ಮರುನಾಮಕರಣದ ಅರ್ಜಿಯ ವಿಚಾರಣೆ ನಡೆಸಿದ ಮುಖ್ಯ ನ್ಯಾಯಮೂರ್ತಿ ಎಚ್.ಎಲ್.ದತ್ತು ನೇತೃತ್ವದ ನ್ಯಾಯಪೀಠ, ತಾವು ಸಲ್ಲಿಸಿರುವ ಅರ್ಜಿ ಮನವಿಗೆ ತಕ್ಕಂತೆ ಉತ್ತಮ ರೀತಿಯಲ್ಲಿ ಪ್ರಾತಿನಿಧ್ಯ ಒದಗಿಸಿ, ಮರುನಾಮಕರಣಕ್ಕೆ ಸೂಕ್ತವಾದ ಬೆಂಬಲದೊರಕಿದ ನಂತರ ಕೋರ್ಟ್‌ಗೆ ಬರುವಂತೆ ಸೂಚಿಸಿದೆ.
ಮರುನಾಮಕರಣ ಕುರಿತಂತೆ ಇತರೆ ಅಧಿಕಾರಿಗಳೊಂದಿಗೆ ಚರ್ಚಿಸಿ ಅದಕ್ಕೆ ಸೂಕ್ತ ರೀತಿಯ ಬೆಂಬಲ ದೊರಕಿದರೆ ನಂತರದ ದಿನಗಳಲ್ಲಿ ಸುರ್ಪ್ರೀಕೋರ್ಟ್ ಈ ಬಗ್ಗೆ ಆದೇಶ ನೀಡಲು ಸಾಧ್ಯ ಎಂದು ಹೇಳಿದೆ.