ನವದೆಹಲಿ: ಸೆಕ್ಸ್ ಮತ್ತು ಇತರ ಅಶ್ಲೀಲ ಮಾಹಿತಿಗಳನ್ನು ಒದಗಿಸುವ ವೆಬ್‌ಸೈಟ್ ಮೇಲೆ ನಿಯಂತ್ರಣ  ಹೇರಿ. ಅಂಥವುಗಳನ್ನು ನಿಯಂತ್ರಿಸುವ ಬಗೆಗಿನ ವ್ಯವಸ್ಥೆಯನ್ನು ಮೇಲ್ದರ್ಜಗೆ ಏರಿಸಿ. ಈ ಮೂಲಕ ದೇಶ ವ್ಯಾಪಿಯಾಗಿ ಅವುಗಳನ್ನು ನಿಷೇಧಿಸುವ ಬಗ್ಗೆ ಸಹಕರಿಸಿ'.  ಹೀಗೆಂದು ಕೇಂದ್ರ ಸರ್ಕಾರ ಇಂಟರ್‌ನೆಟ್ ಸೇವಾ ಪೂರೈಕೆದಾರ ಸಂಸ್ಥೆಗಳಿಗೆ ತಾಕೀತು ಮಾಡಿದೆ. ಸಚಿವ ರವಿ ಶಂಕರ ಪ್ರಸಾದ್ ನೇತೃತ್ವದಲ್ಲಿ ನಡೆದ ಹಿರಿಯ ಅಧಿಕಾರಿಗಳ ಸಭೆಯಲ್ಲಿ ಪೂರೈಕೆದಾರ ಸಂಸ್ಥೆಗಳಿಗೆ ಈ ರೀತಿ ತಾಕೀತು ಮಾಡಲು ನಿರ್ಧರಿಸಲಾಗಿದೆ. ಮಕ್ಕಳನ್ನು ಬಳಸಿಕೊಂಡು ಅಶ್ಲೀಲ ಮಾಹಿತಿ ನೀಡುವ  ಸೈಟ್‌ಗಳ ಬಗ್ಗೆ ಮಾಹಿತಿ ಸಂಗ್ರಹಣೆ,  ಅವುಗಳನ್ನು ತಡೆಗಟ್ಟುವ ಬಗ್ಗೆ ಸಭೆಯಲ್ಲಿ ಚರ್ಚಿಸಲಾಗಿದೆ. ಇಂಥ ತಾಣಗಳ ಮೇಲೆ ನಿಯಂತ್ರಣ ಹೇರುವುದರ ಜತೆಗೆ ಇತರ ಇಂಟರ್‌ನೆಟ್ ವೇಗಕ್ಕೆ ತಡೆಯಾಗದಂತೆ ನೋಡಿಕೊಳ್ಳುವಂತೆಯೂ ಸೂಚಿಸಿದೆ.