ಗುರ್‌ಗಾಂವ್: ಹರಿಯಾಣದಲ್ಲಿ ರಸ್ತೆ ಸಾರಿಗೆ ಸಂಸ್ಥೆ ಬಸ್‌ಗಳಲ್ಲಿ ಜಿಪಿಎಸ್ ಸೌಲಭ್ಯ ಕಲ್ಪಿಸುವ ಮೂಲಕ ಹೈಟೆಕ್ ಸಂಚಾರ ವ್ಯವಸ್ಥೆಗೆ ನಾಂದಿ ಹಾಡಿದೆ.
ಪ್ರಯಾಣಿಕರಿಗೆ ಬಸ್ ಯಾವ ಮಾರ್ಗದಲ್ಲಿ ಸಂಚರಿಸುತ್ತದೆ, ಗಮ್ಯ ಸ್ಥಾನಗಳು ಸೇರಿದಂತೆ ರಸ್ತೆ ಸಂಚಾರದ ಎಲ್ಲಾ ಮಾಹಿತಿಗಳನ್ನು ನೀಡುವಂತ ಆ್ಯಪ್‌ನ್ನು ಹರಿಯಾಣ ರಸ್ತೆ ಸಾರಿಗೆ ಸಂಸ್ಥೆ ಅಭಿವೃದ್ಧಿಗೊಳಿಸಿದೆ.
ತಮ್ಮ ಸ್ಮಾರ್ಟ್ ಫೋನ್‌ಗಳಲ್ಲಿ ಈ ಆ್ಯಪ್‌ನ್ನು ಡೌನ್‌ಲೋಡ್ ಮಾಡಿಕೊಳ್ಳುವ ಮೂಲಕ ಪ್ರಯಾಣಿಕರು ಇದರ ಲಾಭ ಪಡೆದುಕೊಳ್ಳಬಹುದು. ಬಸ್ಸ್‌ನ ಸಮಯ, ಪ್ರತಿ ನಿಲ್ಧಾಣಗಳ ಹೆಸರು, ಯಾವ ಮಾರ್ಗ, ಎಷ್ಟು ಕಿ.ಮೀ ಸೇರಿದಂತೆ ಇತರೆ ಮಾಹಿತಿ ಇಲ್ಲಿ ಲಭ್ಯ.
ಒಟ್ಟು 120 ಬಸ್‌ಗಳಲ್ಲಿ ಜಿಪಿಎಸ್ ಸೌಲಭ್ಯ ಅಳವಡಿಸಲಾಗಿದೆ. ಇದಲ್ಲದೇ, ಬಸ್ ಚಾಲಕ ಅಥವಾ ಕಂಡೆಕ್ಟರ್ ಅಸಭ್ಯವಾಗಿ ವರ್ತಿಸಿದರೆ ಅವರ ವಿರುದ್ಧ ಹರಿಯಾಣದ ಸಾರಿಗೆ ಸಂಸ್ಥೆಗೆ ಈ ಆ್ಯಪ್ ಮೂಲಕ ನೇರವಾಗಿ ದೂರಿನ ಸಂದೇಶದ ಕಳುಹಿಸುವ ವ್ಯವಸ್ಥೆ ಕಲ್ಪಿಸಲಾಗಿದೆ.