ಹೈದರಾಬಾದ್: ನೇಪಾಳದಲ್ಲಿ ಸಂಭವಿಸಿದ ಪ್ರಬಲ ಭೂಕಂಪದಲ್ಲಿ ತೆಲುಗಿನ ಯುವ ನಟ 25 ವರ್ಷದ ಕೆ. ವಿಜಯ್ ಅಸುನೀಗಿದ್ದಾರೆ.

ಚಿತ್ರೀಕರಣ ನಿಮಿತ್ತ ಚಿತ್ರ ತಂಡದೊಂದಿಗೆ ನೇಪಾಳಕ್ಕೆ ತೆರಳಿದ್ದ ವಿಜಯ್ ಅವಘಡದಲ್ಲಿ ಸಾವಿಗೀಡಾಗಿದ್ದಾರೆ ಎಂದು ಸಂಗೀತ ನಿರ್ದೇಶಕ ಕಿಶನ್ ಹೈದರಾಬಾದ್ ನಲ್ಲಿ ತಿಳಿಸಿದ್ದಾರೆ.

ನಟ ಮತ್ತು ನೃತ್ಯ ನಿರ್ದೇಶಕರಾಗಿರುವ ವಿಜಯ್ ಭೂಕಂಪಕ್ಕೆ ಬಲಿಯಾಗಿದ್ದು, ಜೊತೆಗಿದ್ದ ಮೂವರೂ ಗಾಯಗೊಂಡಿದ್ದಾರೆ. ಗುಂಟೂರು ಜಿಲ್ಲೆಯ ಬಪಟ್ಲಾದವರಾದ ವಿಜಯ್ ಮೃತದೇಹವನ್ನು ಸ್ವದೇಶಕ್ಕೆ ತರುವಂತೆ ತೆಲುಗು ಚಿತ್ರರಂಗ ಸರ್ಕಾರವನ್ನು ಆಗ್ರಹಿಸಿದೆ.

ಏಪ್ರಿಲ್ 15ರಂದು ತಂಡ ಗೋರಖ್ ಪುರ ಮಾರ್ಗವಾಗಿ ನೇಪಾಳಕ್ಕೆ ತೆರಳಿದ್ದ ಚಿತ್ರ ತಂಡ ಭೂಕಂಪ ಸಂಭವಿಸಿದ ಮೊದಲ ದಿನ ಚಿತ್ರತಂಡದ 20 ಮಂದಿಯ  ಸುರಕ್ಷಿತರಾಗಿದ್ದರು. ಆದರೆ ಬಳಿಕ ಸಂಭವಿಸಿದ ಭೂಕಂಪದಲ್ಲಿ ಅವರು ಮೃತಪಟ್ಟಿರುವುದಾಗಿ ಕಿಶನ್ ತಿಳಿಸಿದ್ದಾರೆ.