ಮುಂಬೈ: ದೇಶದ ವಾಣಿಜ್ಯ ರಾಜಧಾನಿಯಾಗಿರುವ ಮುಂಬೈನಲ್ಲಿ ವರ್ಷಗಳು ಉರುಳಿದಂತೆ ವಾಯು ಮಾಲಿನ್ಯದ ಪ್ರಮಾಣ ಹೆಚ್ಚಾಗುತ್ತಲೆ ಇದೆ. 

ನಗರದಲ್ಲಿನ ಗಾಳಿಯಲ್ಲಿ ಗಂಧಕದ ಡೈ ಆಕ್ಸೆ„ಡ್‌ ಮತ್ತು ಅಮೋನಿಯಾದ ಪ್ರಮಾಣವು ಮೂರು ವರ್ಷಗಳಿಗಿಂತ ಹೆಚ್ಚಾಗಿದ್ದು ನಗರದ ನಿವಾಸಿಗಳನ್ನು ಉಸಿರಾಟದ ಸಮಸ್ಯೆಗಳು ಇದೀಗ ಸಮಾನ್ಯ ಎಂಬಂತೆ ಕಾಡತೊಡಗಿದೆ. ಬಿಎಂಸಿ ಇನ್ನಷ್ಟೇ ಬಿಡುಗಡೆ ಮಾಡಬೇಕಿರುವ ಪರಿಸರ ವಸ್ತುಸ್ಥಿತಿ ವರದಿ(ಇಎಸ್‌ಆರ್‌)-2014-15ರ ವಿವರಗಳನ್ನು ಆಂಗ್ಲ ದೈನಿಕವೊಂದು ಪ್ರಕಟಿಸಿದ್ದು ಇದರ ಪ್ರಕಾರ ಮುಂಬೈ ಮಹಾ ನಗರದಲ್ಲಿನ ವಾಯು ಮಾಲಿನ್ಯ ಪ್ರಮಾಣವು 2012-13ಕ್ಕಿಂತ ಅಧಿಕಗೊಂಡಿದೆ.

ನಗರದ ಮೂರು ಪ್ರಮುಖ ಸಂಚಾರಿ ಜಂಕ್ಷನ್‌ಗಳಾದ ವರ್ಲಿ, ವಡಾಲಾ ಮತ್ತು ಅಂಧೇರಿಯಲ್ಲಿನ ವಾಯು ಮಾಲಿನ್ಯ ಮಟ್ಟವನ್ನು ಅಂದಾಜಿಸಲಾಗಿದ್ದು ನಗರದ ವಿವಿಧೆಡೆಗಳಲ್ಲಿ ಗಾಳಿಯಲ್ಲಿರುವ ಗಂಧಕದ ಡೈ ಆಕ್ಸೆ„ಡ್‌ ಮತ್ತು ಅಮೋನಿಯಾದ ಪ್ರಮಾಣವು ಹೆಚ್ಚಿರುವುದು ಕಂಡುಬಂದಿದೆ. ಸಂಚಾರಿ ಜಂಕ್ಷನ್‌ಗಳಲ್ಲಂತೂ ಗಾಳಿಯಲ್ಲಿ ಗಂಧಕದ ಡೈ ಆಕ್ಸೆ„ಡ್‌ ಮತ್ತು ಅಮೋನಿಯಾದ ಪ್ರಮಾಣವು ಭಾರೀ ಪ್ರಮಾಣದಲ್ಲಿ ಹೆಚ್ಚಳವಾಗಿದೆ.