ನವದೆಹಲಿ: ನೇತಾಜಿ ಸುಭಾಷ್‍ಚಂದ್ರ ಬೋಸ್ ಅವರಿಗೆ ಸಂಬಂಧಿಸಿದ 134 ರಹಸ್ಯ ಕಡತಗಳು ತನ್ನ ಬಳಿ ಇದ್ದು, ಅವನ್ನು ರಹಸ್ಯ ಪಟ್ಟಿಯಿಂದ ತೆಗೆದು ಹಾಕುವ ಬಗ್ಗೆ ಪರಿಶೀಲನೆ ನಡೆಸುತ್ತಿರುವುದಾಗಿ ಕೇಂದ್ರ ಸರ್ಕಾರ ತಿಳಿಸಿದೆ.

ಗೃಹ ಖಾತೆ ರಾಜ್ಯ ಸಚಿವ ಹರಿಭಾಯ್  ಪಾರ್ಥಿಭಾಯ್  ಚೌಧರಿ ಬುಧವಾರ ರಾಜ್ಯಸಭೆಗೆ ಈ ಕುರಿತು ಮಾಹಿತಿ ನೀಡಿದ್ದಾರೆ. ``ಗೃಹ ಸಚಿವಾಲಯದ ಬಳಿ 12 ಕಡತಗಳಿದ್ದು, ಅವುಗಳಲ್ಲಿ 3 ರಹಸ್ಯ  ಕಡತಗಳು. ಪ್ರಧಾನಿ ಕಚೇರಿಯಲ್ಲಿರುವ 58 ಕಡತಗಳ ಪೈಕಿ 41 ರಹಸ್ಯ ಕಡತಗಳು. ವಿದೇಶಾಂಗ ಇಲಾಖೆ ಬಳಿ 90 ರಹಸ್ಯ ಕಡತಗಳಿವೆ'' ಎಂದು ವಿವರಿಸಿದ್ದಾರೆ.