ಲಖನೌ: ಮ್ಯಾಗಿ ನೂಡಲ್ಸ್‌ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ ಎಂದು ದೇಶಾದ್ಯಂತ ನಿಷೇಧವಾದ ಬೆನ್ನಲ್ಲೇ, ಈಗ ಮತ್ತೊಂದು ಆರೋಗ್ಯ ಪೇಯ ಸಂಕಷ್ಟಕ್ಕೆ ಸಿಲುಕಿದೆ.

ಕಾಂಪ್ಲಾನ್ ಪ್ಯಾಕ್ ನಲ್ಲಿ ಸತ್ತ 100 ಕೀಟಗಳು ಪತ್ತೆಯಾಗಿವೆ. ಲಖನೌನ ಮಹಾನಗರದ ನಿವಾಸಿ ತನಿಷಾ ರೌ ಸಿಂಗಾನಿಯಾ ಅವರು ಕಾಂಪ್ಲಾನ್ ಪ್ಯಾಕ್ ಓಪನ್ ಮಾಡಿ ನೋಡಿದಾಗ, ಹಾಲಿನಲ್ಲಿ ಸತ್ತ ಬಿಳಿ ಮತ್ತು ಕಪ್ಪು ಬಣ್ಣದ ಹುಳುಗಳು ಕಂಡಿವೆ. ಈ ಸಂಬಂಧ ಅವರ ಪತಿ ದೂರು ದಾಖಲಿಸಿದ್ದಾರೆ ಎಂದು ಪತ್ರಿಕೆಯೊಂದು ವರದಿ ಮಾಡಿದೆ.

ಈ ಉತ್ಮನ್ನ ತಯಾರಿಕೆ ದಿನಾಂಕ ಫೆಬ್ರವರಿ 2,2015 ಆಗಿದೆ. ಆಹಾರ ಸುರಕ್ಷತೆ ಮತ್ತು ಔಷಧ ನಿಯಂತ್ರಣ ಮಂಡಳಿಯು(ಎಫ್‌ಎಸ್‌ಡಿಎ) ಕಾಂಪ್ಲಾನ್ ಪ್ಯಾಕ್ ನ್ನು ಪರೀಕ್ಷೆಗೆ ಕಳುಹಿಸಿದ್ದಾರೆ.