ನವದೆಹಲಿ/ಮುಂಬೈ: ಹಂದಿಜ್ವರಕ್ಕೆ ತುತ್ತಾಗಿರುವ ಬಾಲಿವುಡ್ ನಟಿ ಸೋನಂ ಕಪೂರ್ ಅವರನ್ನು ಏರ್‌ ಆ್ಯಂಬುಲೆನ್ಸ್‌ ಮೂಲಕ ರಾಜಸ್ಥಾನದಿಂದ ಮುಂಬೈಗೆ ಕರೆತಂದು, ಇಲ್ಲಿನ ಕೋಕಿಲಾಬೆನ್‌ ಆಸ್ಪತೆಗೆ ದಾಖಲಿಸಲಾಗಿದೆ. "ಪ್ರೇಮ್‌ ರತನ್‌ ಧನ್‌ ಪಾಯೋ' ಚಿತ್ರದ ಶೂಟಿಂಗ್‌ಗೆ ರಾಜಕೋಟ್‌ಗೆ ತೆರಳಿದ್ದಾಗ ಸೋನಂ ಹಂದಿ ಜ್ವರಕ್ಕೆ ತುತ್ತಾಗಿದ್ದರು. ಸೋನಂ ಶೀತ, ಜ್ವರ ಕಾಣಿ ಸಿಕೊಂಡಿದ್ದು, ಶನಿವಾರ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅಲ್ಲಿ ಈಕೆಗೆ ಹಂದಿಜ್ವರ ಇದೆ ಎಂಬುದು ಪತ್ತೆಯಾಗಿತ್ತು.
ಹಂದಿ ಜ್ವರಕ್ಕೆ 1,075 ಬಲಿ: ಹಂದಿ ಜ್ವರಕ್ಕೆ ಮತ್ತೆ 34 ಮಂದಿ ಬಲಿಯಾಗಿದ್ದು, ದೇಶದಲ್ಲಿ ಈ ರೋಗಕ್ಕೆ ಸಾವನ್ನಪ್ಪಿದವರ ಸಂಖ್ಯೆ 1,075ಕ್ಕೆ ಏರಿಕೆಯಾಗಿದೆ. ಇದೇ ವೇಳೆ ಸೋಂಕು ತಗುಲಿದವರ ಸಂಖ್ಯೆ 20,000 ಗಡಿಯನ್ನು ಮುಟ್ಟಿದೆ.