ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ವಿದೇಶ ಪ್ರವಾಸದಿಂದ ದೇಶಕ್ಕೆ ಏನು ಪ್ರಯೋಜನವಿಲ್ಲ ಎಂದು ಕಾಂಗ್ರೆಸ್ ನಾಯಕ ರಷಿದ್ ಅಲ್ವಿ ಟೀಕಿಸಿದ್ದಾರೆ.
ಮೋದಿ ಅವರು ಪ್ರಧಾನಿಯಾಗಿ ಕಳೆದ ಒಂದುವರೆ ವರ್ಷದಲ್ಲಿ ಭೇಟಿ ನೀಡುತ್ತಿರುವ 32ನೇ ರಾಷ್ಟ್ರ ಬ್ರಿಟನ್ ಇರಬೇಕು. ನಿಜಕ್ಕೂ ಈ ಭೇಟಿಯಿಂದ ದೇಶಕ್ಕೆ ಏನು ಪ್ರಯೋಜನ ಎನ್ನುವ ಪ್ರಶ್ನೆ ಎಲ್ಲರಲ್ಲೂ ಮೂಡಿದರೆ ಸಾಕು. ಈಗಾಗಲೇ ಭೇಟಿ ನೀಡಿ ಬಂದಿರುವ ದೇಶಗಳಿಂದ ಭಾರತಕ್ಕೆ ಆಗಿರುವ ಲಾಭವಾದರೂ ಏನು? ಎಂದು ರಷಿದ್ ಅಲ್ವಿ ಪ್ರಶ್ನಿಸಿದ್ದಾರೆ.
ಮೋದಿ ಅವರಿಗೆ ವಿದೇಶಗಳಿಗೆ ಹೋಗಿ ಜನರನ್ನು ಸೇರಿಸಿ ಭಾಷಣ ಮಾಡುವುದೇ ಹವ್ಯಾಸವಾಗಿದ್ದು, ಇವೆಲ್ಲವೂ ಜನತೆಗೆ ಅರ್ಥವಾಗುತ್ತೆ ಎಂದಿದ್ದಾರೆ.
ಇಂದು ಮೋದಿ ಅವರ ಬ್ರಿಟನ್ ಪ್ರವಾಸ ಕೈಗೊಂಡ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಮೋದಿ ವಿದೇಶ ಪ್ರವಾಸ ಕುರಿತು ಕಟುವಾಗಿ ಟೀಕಿಸಿದೆ.