ಉಧಾಂಪುರ: ಜಮ್ಮುವಿನಿಂದ ಶ್ರೀನಗರಕ್ಕೆ ತೆರಳುತ್ತಿದ್ದ ಟ್ರಕ್ ವೊಂದರ ಮೇಲೆ ದುಷ್ಕರ್ಮಿಗಳು ಪೆಟ್ರೋಲ್ ಬಾಂಬ್ ಎಸೆದಿದ್ದು, ಒಬ್ಬ ಪೊಲೀಸ್ ಸಿಬ್ಬಂದಿ ಸೇರಿದಂತೆ ಮೂವರಿಗೆ ಗಂಭೀರ ಸುಟ್ಟ ಗಾಯಗಳಾಗಿವೆ. 

ಮೂರು ಹಸುಗಳ ಕಳೇಬರ ಪತ್ತೆಯಾದ ಹಿನ್ನೆಲೆಯಲ್ಲಿ ಹಾಗೂ ಬೀಫ್ ಪಾರ್ಟಿ ನಡೆಸಿ ದ ಪಕ್ಷೇತರ ಶಾಸಕ ರಶೀದ್ ವಿರುದ್ಧ ಪ್ರತಿ ಭಟನೆಯ ರೂಪದಲ್ಲಿ ಹಿಂದೂ ಸಂಘಟನೆ ಗಳು ಶುಕ್ರವಾರ ಬಂದ್‍ಗೆ ಕರೆ ನೀಡಿದ್ದವು. 

ಸಾಯಂಕಾಲ ಟ್ರಕ್ ಶಿವನಗರ ದಾಟುತ್ತಿದ್ದಂತೆ ಅಡ್ಡಗಟ್ಟಿದ ಕಿಡಿಗೇಡಿಗಳು, ಮೊದಲು ಟ್ರಕ್‍ನ ಮುಂಭಾಗದ ಗಾಜು ಒಡೆದು, ನಂತರ ಒಳಕ್ಕೆ ಪೆಟ್ರೋಲ್ ಬಾಂಬ್ ಎಸೆದರು.ಪರಿಣಾಮ ಟ್ರಕ್ನಲ್ಲಿದ್ದ ಇಬ್ಬರಿಗೆ ಗಂಭೀರ ಸುಟ್ಟಗಾಯಗಳಾಗಿದ್ದರೆ, ಅವರನ್ನು ರಕ್ಷಿಸಲೆತ್ನಿಸಿದ ಪೊಲೀಸ್ ಸಿಬ್ಬಂದಿಗೆ ಅಲ್ಪ ಪ್ರಮಾಣದ ಗಾಯಗಳಾಗಿವೆ. 

ಘಟನೆ ಸಂಬಂಧ ಶನಿವಾರ ಮೊದಲಿಗೆ ಇಬ್ಬರನ್ನು ಬಂಧಿಸಲಾಯಿತು. ಸಿಸಿಟಿವಿ ದೃಶ್ಯಾವಳಿಯನ್ನು ಆಧರಿಸಿ ಮತ್ತೆ 4 ಮಂದಿಯನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.