ನವದೆಹಲಿ: ಒಎನ್ ಜಿಸಿ ಮತ್ತು ಆಯಿಲ್ ಇಂಡಿಯಾ ಸಂಸ್ಥೆಗಳ 69 ಸಣ್ಣ ಮತ್ತು ಅತಿ ಸಣ್ಣ ತೈಲ ಘಟಕಗಳನ್ನು ಖಾಸಗಿ ಮತ್ತು ವಿದೇಶಿ ಸಂಸ್ಥೆಗಳಿಗೆ ಹರಾಜು ನೀಡಲು ಕೇಂದ್ರ ಸಚಿವ ಸಂಪುಟ ಬುಧವಾರ ಒಪ್ಪಿಗೆ ನೀಡಿದೆ.

ಪ್ರಧಾನಮಂತ್ರಿ ನರೇಂದ್ರ ಮೋದಿ ನೇತೃತ್ವದಲ್ಲಿ ಕೇಂದ್ರ ಆರ್ಥಿಕ ವ್ಯವಹಾರಗಳ ಸಂಪುಟ ಸಮಿತಿ ತೈಲ ಘಟಕಗಳ ಹರಾಜಿಗೆ ಅನುಮತಿ ನೀಡಿದ್ದು, ಸರ್ಕಾರದ ಸಬ್ಸಿಡಿ ಹಂಚಿಕೆ ವ್ಯವಸ್ಥೆ ಕಾರಣ ಅಭಿವೃದ್ಧಿ ಲಾಭಕರವಲ್ಲದ್ದಾಗಿ ಸ್ವಾಮ್ಯ ಸಂಸ್ಥೆಗಳ ಹರಾಜಿಗೆ ಮುಂದಾಗಿವೆ.

ಸಂಸ್ಥೆಗಳನ್ನು ಹರಾಜಿನಲ್ಲಿ ಪಡೆಯುವ ಕಂಪೆನಿಗಳು ಬಂದ ಆದಾಯದಲ್ಲಿ ಒಂದಷ್ಟು ಮೊತ್ತವನ್ನು ಅಥವಾ ತೈಲ ಮತ್ತು ಅನಿಲವನ್ನು ಸರ್ಕಾರಕ್ಕೆ ನೀಡಬೇಕು ಎಂದು ಒಪ್ಪಂದದ ವೇಳೆ ಸೂಚಿಸಲಾಗಿದೆ.