ಕೋಲ್ಕತಾ/ಮುಂಬೈ: ಶೀನಾ ಬೋರಾ ಮರ್ಡರ್ ಮಿಸ್ಟರಿಗೆ ಸಂಬಂಧಪಟ್ಟಂತೆ ಬುಧವಾರ ಒಂದೆಡೆ ಮುಂಬೈ ಪೊಲೀಸರ ಒಂದು ತಂಡ ಸ್ಟಾರ್ ಇಂಡಿಯಾ ಮಾಜಿ ಸಿಇಒ ಪೀಟರ್ ಮುಖರ್ಜಿ ನಿವಾಸ ತಪಾಸಣೆ ಮಾಡಿದರೆ, ಅತ್ತ ಕೋಲ್ಕತ್ತಾದಲ್ಲಿ ಮತ್ತೊಂದು ತಂಡ ಇಂದ್ರಾಣಿಯ ಎರಡನೇ ಪತಿ, ಬಂಧಿತ ಸಂಜೀವ್ ಖನ್ನಾ ಮನೆ ಶೋಧ ನಡೆಸಿತು.

ಖನ್ನಾ ನಿವಾಸದಲ್ಲಿ ಬ್ಯಾಂಕ್ ದಾಖಲೆಗಳು, ಖಾತೆಗಳ ವಿವರ ಮತ್ತು ಲ್ಯಾಪ್ ಟಾಪ್ ಅನ್ನು ವಶಪಡಿಸಿಕೊಳ್ಳಲಾಗಿದೆ. ಹೀಗಾಗಿ, ಇಡೀ ಪ್ರಕರಣದ ತನಿಖೆ ಇದೀಗ ಮೊದಲ ಬಾರಿಗೆ ಹಣಕಾಸು ವಿವಾದದತ್ತ ಹೊರಳಿದೆ.

ಈ ನಡುವೆ, ತಾನು ಶೀನಾ ಬೋರಾ ತಂದೆ ಸಿದ್ಧಾರ್ಥ್ ದಾಸ್ ಎಂದು ಮಂಗಳವಾರ ಮಾಧ್ಯಮಗಳ ಮುಂದೆ ಬಂದಿ ದ್ದ ವ್ಯಕ್ತಿಯನ್ನು ಕೂಡ ಸಂಪರ್ಕಿಸಲು ಪೊಲೀಸರು ಯತ್ನಿಸಿದ್ದಾರೆ.