ನವದೆಹಲಿ: ಗೋವಿನ ಸಗಣಿ ಹಲವು ವಿಧಗಳಲ್ಲಿ ಉಪಯೋಗವಾಗುತ್ತದೆ ಎಂಬುದು ಗೊತ್ತಿರುವ ವಿಷಯವೇ. ಸಗಣಿ ಬಾಂಬ್ ಗಳನ್ನು ಪರಿಣಾಮಗಳನ್ನೇ ಕುಗ್ಗಿಸುತ್ತದೆ ಎಂಬ ಹೊಸ ವಿಷಯ ಕೇಳಿದ್ದಿರಾ?

ಆರ್.ಎಸ್.ಎಸ್ ನ ಮುಸ್ಲಿಂ ರಾಷ್ಟ್ರೀಯ ಮಂಚ್ ಇಂಥದ್ದೊಂದು ಹೊಸ ಥಿಯರಿಯನ್ನು ಮಂಡಿಸಿದೆ. ಹಸು ಮತ್ತು ಇಸ್ಲಾಂ ಎಂಬ ಕಿರು ಪುಸ್ತಕದಲ್ಲಿ ಸಗಣಿಯಿಂದ ಅಣುಬಾಂಬ್ ಹಾಗೂ ಹೈಡ್ರೋಜನ್ ಬಾಂಬ್ ನ ಪರಿಣಾಮಗಳನ್ನು ಕುಗ್ಗಿಸುತ್ತದೆ ಎಂದು ಪ್ರಕಟಿಸಲಾಗಿದೆ.

ಸಗಣಿ, ಬಾಂಬ್ ಗಳಿಂದ ಉಂಟಾಗುವ ರೇಡಿಯೋವಿಕಿರಣಗಳನ್ನು ನಿಷ್ಪರಿಣಾಮಕಾರಿಯಾಗಿಸುತ್ತದೆ. ಇದಕ್ಕೆ ವೈಜ್ಞಾನಿಕ ಆಧಾರವಿದೆ ಎಂದು ಮುಸ್ಲಿಂ ರಾಷ್ಟ್ರೀಯ ಮಂಚ್ ಹೇಳಿದೆ. ಇದೇ ವೇಳೆ ಗೋಹತ್ಯೆಯನ್ನು ನಿಲ್ಲಿಸುವಂತೆ ಮುಸ್ಲಿಮರಿಗೆ ಕರೆ ನೀಡಿದೆ. ಕಿರು ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಆರ್.ಎಸ್.ಎಸ್ ನ ಕಾರ್ಯಕರ್ತ ಇಂದ್ರೇಶ್ ಕುಮಾರ್ ಉಪಸ್ಥಿತರಿದ್ದರು.