ರೋಹ್ಟಕ್: ಹರ್ಯಾಣದ ಗುರುಗಾಂವ್, ಮೇವಾತ್ ನಗರಗಳಿಗೆ ಮರುನಾಮಕರಣ ಮಾಡುವುದನ್ನು ಸಿಪಿಐ(ಎಂ) ವಿರೋಧಿಸಿದೆ.
ಮರುನಾಮಕರಣವನ್ನು ಒಪ್ಪುವುದಕ್ಕೆ ಸಾಧ್ಯವಿಲ್ಲ ಎಂದಿರುವ ಸಿಪಿಐ(ಎಂ) ನ ಕಾರ್ಯದರ್ಶಿ ಸುರೇಂದರ್ ಸಿಂಗ್, ಈ ಹಿಂದೆಯೂ ಇಂತಹ ಪ್ರಯತ್ನಗಳು ನಡೆದಿತ್ತು, ಆದರೆ ತಾರ್ಕಿಕವಾಗಿ ಸಮರ್ಥನೆಗಳ ಕಾರಣದಿಂದ ಮರುನಾಮಕರಣ ಯತ್ನವನ್ನು ಕೈಬಿಡಲಾಗಿತ್ತು ಎಂದು ಹೇಳಿದ್ದಾರೆ.   
"ದ್ರೋಣಾಚಾರ್ಯರು ದಲಿತ ವಿದ್ಯಾರ್ಥಿಗೆ ಬೋಧನೆ ಮಾಡುವುದಕ್ಕೆ ನಿರಾಕರಿಸಿದ್ದರು. ಕೈಬೆರಳನ್ನು ತುಂಡರಿಸಿಕೊಳ್ಳುವಂತೆ ಏಕಲವ್ಯನಿಗೆ ಹೇಳಿದ್ದರು, ಈಗ ದ್ರೋಣಾಚಾರ್ಯರ ಕಾಲದಿಂದಲೂ ಗುರುಗಾಂವ್ ಶಿಕ್ಷಣದ ವಿಷಯಕ್ಕೆ ಪ್ರಸಿದ್ಧಿ ಪಡೆದಿತ್ತು ಎಂಬ ಕಾರಣಕ್ಕಾಗಿ ಗುರುಗಾಂವ್ ಗೆ ಗುರುಗ್ರಾಮ ಎಂದು ಮರುನಾಮಕರಣ ಮಾಡಲಾಗುತ್ತಿದೆ ಎಂದು ಸುರೇಂದರ್ ಸಿಂಗ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಏ.14 ರಂದು ಅಂಬೇಡ್ಕರ್  ರ 125 ನೇ ಜನ್ಮದಿನಾಚರಣೆಗೂ ಮುನ್ನಾ ದಿನ ಹರ್ಯಾಣದ ಸರ್ಕಾರ ಅಸಂಗತ ನಿರ್ಧಾರಗಳನ್ನು ತೆಗೆದುಕೊಂಡಿದೆ. ಸಮಾಜವಾದ, ಪ್ರಜಾಪ್ರಭುತ್ವದ ಪರ ನಿಲುವು ಹೊಂದಿರುವವರು ಹರ್ಯಾಣ ಸರ್ಕಾರದ ನಿರ್ಧಾರವನ್ನು ವಿರೋಧಿಸಿ, ಗುರುಗಾಂವ್, ಮೇವಾತ್ ನಗರಗಳಿಗೆ ಮರುನಾಮಕರಣ ಮಾಡುವುದನ್ನು ತಡೆಗಟ್ಟಲು ಒತ್ತಾಯಿಸಬೇಕು ಎಂದು ಸಿಂಗ್ ಕರೆ ನೀಡಿದ್ದಾರೆ.