ನವದೆಹಲಿ: ಜಮ್ಮು ಕಾಶ್ಮೀರ ಎಲ್ಲಿದೆ ಎಂದು ಯಾರಾದರೂ ಕೇಳಿದರೆ ಅದು ಭಾರತದ ಅವಿಭಾಜ್ಯ ಅಂಗ ಎಂದು ಪ್ರತಿಯೊಬ್ಬ ಭಾರತೀಯನೂ ಹೇಳುತ್ತಾನೆ. ಆದರೆ ಖ್ಯಾತ ಸಾಮಾಜಿಕ  ಜಾಲತಾಣ ಟ್ವಿಟ್ಟರ್ ಮಾತ್ರ ಜಮ್ಮು ಮತ್ತು ಕಾಶ್ಮೀರ ಭಾಗವನ್ನು ಪಾಕಿಸ್ತಾನ ಮತ್ತು ಚೀನಾ ಭೂಪಟಕ್ಕೆ ಸೇರಿಸಿದೆ.

ಟ್ವಿಟರ್ ಬಳಕೆದಾರರು ಟ್ವೀಟ್ ಕಂಪೋಸ್ ಮಾಡುವಾಗ ಲೊಕೇಷನ್ ಆಯ್ಕೆ ಮಾಡಿಕೊಳ್ಳುವ ಅವಕಾಶವಿರುತ್ತದೆ. ಆದರೆ ಇಲ್ಲಿ ಜಮ್ಮು ಮತ್ತು ಕಾಶ್ಮೀರ ಎಂದು ಟೈಪಿಸಿದರೆ ಅಲ್ಲಿ ಭಾರತದ  ಆಯ್ಕೆಯೇ ಬರುವುದಿಲ್ಲ. ಬದಲಿಗೆ ಚೀನಾ ಮತ್ತು ಪಾಕಿಸ್ತಾನ ಆಯ್ಕೆಗಳು ಬರುತ್ತವೆ. ಜಮ್ಮು, ಪಾಕಿಸ್ತಾನ ಮತ್ತು ಜಮ್ಮು ಮತ್ತು ಕಾಶ್ಮೀರ, ರಿಪಬ್ಲಿಕ್ ಆಫ್ ಚೀನಾ ಎಂಬ ಆಯ್ಕೆಗಳನ್ನು  ತೋರಿಸಲಾಗುತ್ತಿದೆ. ಟ್ವಿಟರ್ ಸಂಸ್ಥೆಯ ಈ ಯಡವಟ್ಟು ಭಾರಿ ವಿವಾದಕ್ಕೆ ಕಾರಣವಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಟೀಕೆಗೆ ಗುರಿಯಾಗಿದೆ.

ಇನ್ನು ತನ್ನ ಯಡವವಟ್ಟಿನ ಬಗ್ಗೆ ಟ್ವಿಟರ್ ಸಂಸ್ಥೆಯಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.