ನವದೆಹಲಿ: ಜನರನ್ನು ಇಸ್ಲಾಮಿಕ್ ಸ್ಟೇಟ್ ಭಯೋತ್ಪಾದನೆ ಸಂಘಟನೆಗೆ ಸೇರ್ಪಡೆಯಾಗುವಂತೆ ಪ್ರಚೋದಿಸುತ್ತಿದ್ದಾನೆಂದು ಮೊಹಮ್ಮದ್ ನಾಸೇರ್ ವಿರುದ್ಧ ರಾಷ್ಟ್ರೀಯ ತನಿಖಾ ದಳ ದೋಷಾರೋಪ ಪಟ್ಟಿ ಸಲ್ಲಿಸಿದೆ.
ಇಸ್ಲಾಮಿಕ್ ಸ್ಟೇಟ್ ಉಗ್ರ ಸಂಘಟನೆ ಸೇರಲು ತೆರಳಿದ್ದ 23 ವರ್ಷದ ಚೆನ್ನೈ ನಿವಾಸಿ ಕಂಪ್ಯೂಟರ್ ತಜ್ಞ ಮೊಹಮ್ಮದ್ ನಾಸೆರ್ ಫಕೀರ್ ನನ್ನು 2015 ಡಿಸೆಂಬರ್ 12ರಂದು ಎನ್ ಐಎ ಬಂಧಿಸಿತ್ತು.
ಬಂಧನದ ನಂತರ ಆತನನ್ನು ಎನ್ ಐಎ ವಿಚಾರಣೆಗೆ ಒಳಪಡಿಸಿದೆ. ಇಂಡಿಯನ್ ಪೆನಲ್ ಕೋಡ್ ಪ್ರಕಾರ ಮೊಹಮ್ಮದ್ ನಾಸೆರ್ ಜನರಿಗೆ ಉಗ್ರ ಸಂಘಟನೆ ಸೇರಲು ಪ್ರಚೋದನೆ ನೀಡುತ್ತಿದ್ದನು ಎಂದು ಆಪಾದಿಸಲಾಗಿದೆ.
ಜಿಲ್ಲಾ ನ್ಯಾಯಾಧೀಶ ಅಮರನಾತ್ ಅವರಿಗೆ ಎನ್ ಐಎ ದೋಷಾರೋಪ ಪಟ್ಟಿ ಸಲ್ಲಿಸಿದೆ ಎಂದು ಮೂಲಗಳು ತಿಳಿಸಿವೆ.