ಮೊಬೈಲ್ ಬ್ಯಾಂಕಿಂಗ್/ಇ-ಬ್ಯಾಂಕಿಂಗ್ ಅತ್ಯುತ್ತಮವಾದದ್ದು, ಆದರೆ ನೀವು ಓದಲು ಬಾರದ ಲಕ್ಷಾಂತರ ಮಂದಿ ರೈತರು ಹಾಗೂ ಕಾರ್ಮಿಕರನ್ನು ಹೇಗೆ ಇ-ಬ್ಯಾಂಕಿಂಗ್ ರೂಢಿಸಿಕೊಳ್ಳಲು ಒತ್ತಾಯಿಸುತ್ತೀರಿ ಎಂದು ಮನೀಷ್ ಸಿಸೋಡಿಯಾ ಟ್ವೀಟ್ ಮೂಲಕ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಪ್ರಶ್ನಿಸಿದ್ದಾರೆ. 

ರೈತರು, ಕಾರ್ಮಿಕರಿಗೆ ಮೊಬೈಲ್ ಬ್ಯಾಂಕಿಂಗ್ ಬಳಕೆ ಮಾಡುವಂತೆ ಸಲಹೆ ನೀಡುವುದಕ್ಕೂ ಮುನ್ನ  ನಿಮ್ಮ ಕಾರ್ಯದರ್ಶಿಗಳು ಹಾಗೂ ಸಂಸದರು ಇ-ಬ್ಯಾಂಕಿಂಗ್ ವ್ಯವಸ್ಥೆಯನ್ನು ಬಳಸುತ್ತಾರಾ ಎಂಬುದನ್ನು ಪರಿಶೀಲಿಸಿ ಎಂದು ಮನೀಷ್ ಸಿಸೋಡಿಯಾ ಪ್ರಧಾನಿ ಮೋದಿ ಅವರನ್ನು ಕೇಳಿದ್ದು ಒಂದು ವೇಳೆ ಬಳಸದೇ ಇದ್ದಲ್ಲಿ ಅದನ್ನು ಸಾಮಾನ್ಯ ಜನರ ಮೇಲೆ ಹೇರಬೇಡಿ ಎಂದು ಸಲಹೆ ನೀಡಿದ್ದಾರೆ.