ಭುವನೇಶ್ವರ್: ಭುವನೇಶ್ವರ್-ನವದೆಹಲಿ ಇಂಡಿಗೋ ವಿಮಾನದಲ್ಲಿ ಗಗನಸಖಿ ಜತೆ ಅಸಭ್ಯವಾಗಿ ವರ್ತಿಸಿದ ಪ್ರಯಾಣಿಕ ನನ್ನು ವಿಮಾನದಿಂದ ಇಳಿಸಿ ನಂತರ ಟೇಕ್ ಆಫ್ ಆಗಿದೆ. 

ಭುವನೇಶ್ವರದಿಂದ ನವದೆಹಲಿಗೆ ತೆರಳುತ್ತಿದ್ದ ವಿಮಾನದಲ್ಲಿ ಪ್ರಯಾಣಿಕನೊಬ್ಬ ಗಗನಸಖಿ ಜತೆ ಅಸಭ್ಯವಾಗಿ ವರ್ತಿಸಿದ್ದು ಆತನ ವಿರುದ್ಧ ದೆಹಲಿ ಪೊಲೀಸರಿಗೆ ದೂರು ನೀಡಲಾಗಿದೆ ಎಂದು ಖಾಸಗಿ ವಿಮಾನಯಾನ ಸಂಸ್ಥೆ ಹೇಳಿದೆ. 

ಇಂಡಿಗೋ ತನ್ನ ದೂರಿನಲ್ಲಿ ಪುರುಷ ಪ್ರಯಾಣಿಕನೊಬ್ಬ ವಿಮಾನವೇರಿದ್ದು ತನಗೆ ಸೀಟ್ ಬೆಲ್ಟ್ ಧರಿಸಲು ಬರುವುದಿಲ್ಲ ಎಂದು ಹೇಳಿದ್ದಾನೆ. ಹೀಗಾಗಿ ಗಗನಸಖಿ ಆತನಿಗೆ ಸೀಟ್ ಬೆಲ್ಟ್ ಧರಿಸುವುದನ್ನು ಹೇಳಿಕೊಟ್ಟು ಮತ್ತೆ ತಮ್ಮ ಜಾಗಕ್ಕೆ ತೆರಳಿದ್ದಾರೆ. ಮತ್ತೆ ಕಾಲ್ ಬೆಲ್ ಹೊತ್ತಿದ ಆತ ಆಕೆ ಜತೆ ಅಸಭ್ಯವಾಗಿ ವರ್ತಿಸಿದ್ದು ಸಭ್ಯರಾಗಿ ವರ್ತಿಸುವಂತೆ ಗಗನಸಖಿ ಹೇಳಿದ್ದು ಇದಕ್ಕೆ ಆತ ಆಕ್ಷೇಪಾರ್ಹ ಮಾತುಗಳನ್ನು ಬಳಸಿದ್ದಾನೆ. 

ಕೂಡಲೇ ಗಗನಸಖಿ ಪೈಲಟ್ ಗೆ ವಿಷಯ ತಿಳಿಸಿದ್ದು ಆ ಪ್ರಯಾಣಿಕನನ್ನು ಕೆಳಗಿಳಿಸಿ ನಂತರ ವಿಮಾನ ಟೇಕ್ ಆಫ್ ಆಗಿದೆ