ಚೆನ್ನೈ: ತ್ಯಾಗ ಮತ್ತು ನಂಬಿಕೆ ದ್ರೋಹದ ನಡುವೆ ಕದನ ಆರಂಭವಾಗಿದ್ದು, ದೇವರನ್ನು ಹೊರತು ಪಡಿಸಿದರೆ ನನ್ನನ್ನು ಬೆದರಿಸಲು ಯಾರಿಂದಲೂ ಸಾಧ್ಯವಿಲ್ಲ ಎಂದು ಎಐಎಡಿಎಂಕೆ ಉಚ್ಛಾಟಿತ ಉಪ ಪ್ರಧಾನ ಕಾರ್ಯದರ್ಶಿ ಟಿಟಿವಿ ದಿನಕರನ್ ಶನಿವಾರ ಹೇಳಿದ್ದಾರೆ. 

ತಮಿಳುನಾಡು ಮುಖ್ಯಮಂತ್ರಿ ಪಳನಿಸ್ವಾಮಿ ಬಣ ಹಾಗೂ ಮಾಜಿ ಮುಖ್ಯಮಂತ್ರಿ ಓ ಪನ್ನೀರ್ ಸೇಲ್ವಂ ಬಣ ವಿಲೀನಗೊಂಡ ಬಳಿಕ ಇದೇ ಮೊದಲ ಬಾರಿಗೆ ಪ್ರತಿಕ್ರಿಯೆ ನೀಡಿರುವ ಟಿಟಿವಿ ದಿನಕರನ್ ಅವರು, ಹಣ ಎಂಬುದು ದೊಡ್ಡ ವಿಚಾರವಲ್ಲ. ಹಣದಿಂದ ಅವರು ಶಾಸಕರನ್ನು ಖರೀದಿ ಮಾಡಲು ಸಾಧ್ಯವಿಲ್ಲ. ತ್ಯಾಗ ಮತ್ತು ನಂಬಿಕೆ ದ್ರೋಹದ ನಡುವೆ ಕದನ ಆರಂಭವಾಗಿದ್ದು, ದೇವರನ್ನು ಹೊರತು ಪಡಿಸಿದರೆ ನನ್ನನ್ನು ಬೆದರಿಸಲು ಯಾರಿಂದಲೂ ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ. 

19 ಶಾಸಕರು ಯಾರಿಂದಲೂ ಭಯ ಪಡುತ್ತಿಲ್ಲ. ವಿ.ಕೆ. ಶಶಿಕಲಾ ಅವರಿಗೆ ದ್ರೋಹ ಮಾಡಲು ಯತ್ನ ನಡೆಸಿದ್ದವರಿಗೆ ಪಾಠ ಕಲಿಸಲು ಶಾಸಕರು ಬಯಸುತ್ತಿದ್ದಾರೆ. ನಿಜವಾದ ಎಐಎಡಿಎಂಕೆ ಕಾರ್ಯಕರ್ತರು ಇದೀಗ ನನ್ನ ಬೆನ್ನ ಹಿಂದೆ ಇದ್ದಾರೆಂದು ತಿಳಿಸಿದ್ದಾರೆ.