ಕೊಚ್ಚಿ: ನಾನು ಮುಖ್ಯಮಂತ್ರಿಯಾಗಿದ್ದ ವೇಳೆ ಹಲವು ಬಾರಿ ಓದದೆಯೇ ಹಲವು ದಾಖಲೆಗಳಿಗೆ ಸಹಿ ಹಾಕಿದ್ದೇನೆ ಎಂದು ಕೇರಳ ಮಾಜಿ ಸಿಎಂ ಒಮನ್ ಚಾಂಡಿ ಹೇಳಿದ್ದಾರೆ.

ಸಿಎಂ ಆಗಿದ್ದ ವೇಳೆ ಕೆಲಸದ ಒತ್ತಡ, ಸಮಯದ ಅಭಾವದಿಂದಾಗಿ ಹಲವು ಬಾರಿ ಕೆಲವೊಂದು ಡಾಕ್ಯುಮೆಂಟ್ಸ್ ಗಳನ್ನು ಪರಿಶೀಲಿಸದೇ ಸಹಿ ಮಾಡಿದ್ದೇನೆ, ನಾನು ಪ್ರತಿದಿನ 500-1000 ಜನರನ್ನು ಭೇಟಿ ಮಾಡಿ ಕುಂದು ಕೊರತೆಗಳನ್ನು ಆಲಿಸುತ್ತಿದ್ದೆ.1 ನಿಮಿಷದಲ್ಲಿ ಸುಮಾರು 60 ಪೇಪರ್ ಗಳಿಗೆ ಸಹಿ ಮಾಡುತ್ತಿದ್ದೆ ಹೀಗಾಗಿ ಕೆಲವು ದಾಖಲೆಗಳನ್ನು ನೋಡದೆಯೇ ಸಹಿ ಹಾಕಿದ್ದೇನೆ ಎಂದು ಹೇಳಿದ್ದಾರೆ,

ಸೋಲಾರ್ ಹಗರಣ ಸಂಬಂಧ ತನಿಖೆ ನಡೆಸುತ್ತಿರುವ ನ್ಯಾಯಾಂಗ ಆಯೋಗದ ಮುಂದೆ ವಕೀಲರು ಕೇಳಿದ ಪ್ರಶ್ನೆಗಳಿಗೆ ಚಾಂಡಿ ಈ ರೀತಿ ಉತ್ತರಿಸಿದ್ದಾರೆ. ನಾನು ಜನರನ್ನು ನಂಬುತ್ತಿದ್ದೆ, ಹೀಗಾಗಿ ಅವರು ಕೇಳುತ್ತಿದ್ದ ಎಲ್ಲಾ ಕೆಲಸಗಳಿಗೂ ನಂಬಿಕೆಯಿಂದ ಸಹಿ ಮಾಡಿದೆ. ಆದರೇ ಅದರಿಂದಲೇ ನಾನು ವಂಚನೆಗೊಳಗಾದೆ ಎಂದು ಹೇಳಿದ್ದಾರೆ.