ನವದೆಹಲಿ: ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ ಗುರು ಪೂರ್ಣಿಮೆ ಬಗ್ಗೆ ಉಲ್ಲೇಖಿಸಿ ತಮ್ಮ ಟ್ವೀಟರ್ ಅಕೌಂಟ್ ನಲ್ಲಿ ಪೂರ್ಣಚಂದ್ರನ ಪೋಟೋ ಹಾಕಿದ್ದು ಇದಕ್ಕೆ ಟ್ವೀಟರಿಗರು ಸಿಕ್ಕಾಪಟ್ಟೆ ರೀಟ್ವೀಟ್ ಮಾಡಿದ್ದಾರೆ.

ಜುಲೈ 7ರಂದು ನಾಸಾ ತನ್ನ ಟ್ವೀಟರ್ ಅಕೌಂಟ್ ನಲ್ಲಿ ಈ ಫೋಟೋ ಹಾಕಿ ಗುರುಪೂರ್ಣಿಮೆಗೆ ಗೌರ ನೀಡಿತ್ತು. ಇದಕ್ಕೆ ನಾಸಾದ ಈ ಟ್ವೀಟ್ ಗೆ ಐದು ಸಾವಿರಕ್ಕೂ ಹೆಚ್ಚು ರೀಟ್ವೀಟ್ ಆಗಿದೆ. 8 ಸಾವಿರಕ್ಕೂ ಹೆಚ್ಚು ಟ್ವೀಟರಿಗರು ಇದನ್ನು ಲೈಕ್ ಮಾಡಿದ್ದಾರೆ. 

ಆಷಾಢ ಮಾಸದ ಹುಣ್ಣಿಮೆ ದಿನವಾದ ಗುರುಪೂರ್ಣಿಮೆ ಹಬ್ಬವು ಭಾರತದ ಸಂಸ್ಕೃತಿಯ ಒಂದು ಭಾಗ. ನಾಸಾ ಈ ಹೆಸರನ್ನು ನೇರವಾಗಿ ಉಪಯೋಗಿಸಿರುವುದು ಭಾರತೀಯ ಸಂಸ್ಕೃತಿಗೆ ಸಿಕ್ಕ ಗೌರವ ಮತ್ತು ಮಾನ್ಯತೆ ಎನ್ನಬಹುದು. ಇನ್ನು ನಾಸಾ ಟ್ವೀಟ್ ನಲ್ಲಿ ಹೇ ಮೂನ್, ಮೀಡ್ ಮೂನ್, ರೈಪ್ ಕಾರ್ನ್ ಮೂನ್, ಬಕ್ ಮೂನ್ ಹಾಗೂ ಥಂಡರ್ ಮೂನ್ ಎಂದು ಟ್ವೀಟ್ ಮಾಡಿದೆ.