ಮುಂಬಯಿ: ಉದ್ಯಮಿ ಹಾಗೂ ರಿಲಾಯನ್ಸ್ ಗ್ರೂಪ್ ಮಾಲಿಕ ಮುಖೇಶ್‌ ಅಂಬಾನಿ ನಿವಾಸದಲ್ಲಿ ಅಗ್ನಿ ಅವಘಡ ಸಂಭವಿಸಿದೆ. 

ದಕ್ಷಿಣ ಮುಂಬೈನಲ್ಲಿರುವ ವಿಶ್ವದ ಅತಿ ದುಬಾರಿ ಮನೆ 'ಅಂಟಿಲಿಯಾ'ದಲ್ಲಿ ಸೋಮವಾರ ರಾತ್ರಿ ಬೆಂಕಿ ಕಾಣಿಸಿಕೊಂಡಿದೆ.

ಅಂಬಾನಿ ಅವರ 27 ಅಂತಸ್ತಿನ 'ಅಂಟಿಲಿಯಾ' ಕಟ್ಟಡದ 9ನೇ ಮಹಡಿಯಲ್ಲಿ ರಾತ್ರಿ 9ರ ಸುಮಾರಿಗೆ ಬೆಂಕಿ ಹೊತ್ತಿಕೊಂಡಿದೆ. 9ನೇ ಮಹಡಿಯಲ್ಲಿ ಮೊಬೈಲ್ ಟವರ್ ನಲ್ಲಿ ಏಕಾಏಕಿ ಬೆಂಕಿ ಕಾಣಿಸಿಕೊಂಡಿದೆ.  

'ಅಂಟಿಲಿಯಾ' ಕಟ್ಟಡದಲ್ಲಿ ಬೆಂಕಿ ಹೊತ್ತಿಕೊಂಡಿದೆ ಎಂದು ರಾತ್ರಿ 9:10ಕ್ಕೆ ಮಾಹಿತಿ ಸಿಕ್ಕಿತ್ತು. ಅಂತೆಯೇ ಅಗ್ನಿ ಶಾಮಕ ಸಿಬ್ಬಂದಿ ಸ್ಥಳಕ್ಕೆ ದೌಡಾಯಿಸಿದರು. ಯಾವುದೇ ಹೆಚ್ಚಿನ ಹಾನಿಯಾಗಿಲ್ಲ. 

ಈ ಘಟನೆ ಸಂಭವಿಸಿದ ಸಮಯದಲ್ಲಿ ಮುಖೇಶ್‌ ಅಂಬಾನಿ ಮನೆಯಲ್ಲಿ ಇರಲಿಲ್ಲವೆಂದು ತಿಳಿದುಬಂದಿದೆ. 2010 ರಿಂದ ಅಂಬಾನಿ ಕುಟುಂಬ ಅಂಟಿಲಿಯಾದಲ್ಲಿ ವಾಸವಿದೆ.