ಚೆನ್ನೈ: ಆರ್ಥಿಕ ಅಪರಾಧಗಳ ನ್ಯಾಯಾಲಯ ಬುಧವಾರ ಎಐಎಡಿಎಂಕೆ ಪ್ರಧಾನ ಕಾರ್ಯದರ್ಶಿ ವಿ.ಕೆ.ಶಶಿಕಲಾ ವಿರುದ್ಧ ಆರೋಪ ಸಲ್ಲಿಸಿದೆ. ವಿದೇಶಿ ವಿನಿಮಯ ನಿಯಂತ್ರಣ ಕಾಯಿದೆಯಡಿ(ಫೆರಾ) ಉಲ್ಲಂಘನೆ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಶಶಿಕಲಾ ಪ್ರಸ್ತುತ ಬೆಂಗಳೂರಿನ ಪರಪ್ಪನ ಕಾರಾಗೃಹದಲ್ಲಿ ಸೆರೆವಾಸ ಅನುಭವಿಸುತ್ತಿದ್ದಾರೆ.

ಬೆಂಗಳೂರಿನ ಪರಪ್ಪನ ಅಗ್ರಹಾರ ಜೈಲಿನಿಂದ ವಿಡಿಯೊ ಕಾನ್ಫರೆನ್ಸ್ ಮೂಲಕ ಹೆಚ್ಚುವರಿ ಮುಖ್ಯ ಮೆಟ್ರೊಪಾಲಿಟನ್ ಮ್ಯಾಜಿಸ್ಟ್ರೇಟ್(ಆರ್ಥಿಕ ಅಪರಾಧ-1) ಜಾಕಿರ್ ಹುಸೇನ್ ಅವರ ಮುಂದೆ ವಿಚಾರಣೆಗೆ ಹಾಜರಾದರು. ಅಕ್ರಮ ಆಸ್ತಿ ಗಳಿಕೆ ಕೇಸಿಗೆ ಸಂಬಂಧಪಟ್ಟಂತೆ ಕಳೆದ ಫೆಬ್ರವರಿಯಲ್ಲಿ ಅವರು ಜೈಲುಪಾಲಾಗಿದ್ದಾರೆ.

ಹಿಂದಿನ ಜೆಜೆ ಟಿವಿ ಚಾನಲ್ ಗೆ ಟ್ರಾನ್ಸ್ಪಾಂಡರ್ ಗೆ ಹಣ ಪಾವತಿ ಮತ್ತು ಅಪ್ ಲಿಂಕಿಂಗ್ ಶುಲ್ಕಗಳು ಸೇರಿದಂತೆ ಹಣದ ವಹಿವಾಟಿನ ಅಕ್ರವ ವರ್ಗಾವಣೆಗೆ ಸಂಬಂಧಪಟ್ಟ ಪ್ರಕರಣ ಇದಾಗಿದೆ.

ಅಮೆರಿಕಾ ಮೂಲದ ರಿಮ್ಸಾತ್ ಗೆ ಫಿಲಿಪೈನ್ಸ್ ಮತ್ತು ಸಿಂಗಾಪುರದಲ್ಲಿರುವ ಘಟಕಗಳ ಮೂಲಕ ಹಣವನ್ನು ಅಕ್ರಮವಾಗಿ ವರ್ಗಾಯಿಸಲಾಗಿದೆ ಎಂದು ಆರೋಪಿಸಲಾಗಿದೆ.

ಕಾನೂನು ಕ್ರಮವನ್ನು ಶಶಿಕಲಾ, ಅವರ ಸಂಬಂಧಿ ವಿ. ಭಾಸ್ಕರನ್ ಮತ್ತು ಜೆಜೆ ಟಿವಿ ವಿರುದ್ಧ ಜಾರಿ ನಿರ್ದೇಶನಾಲಯ 1995ರಲ್ಲಿ ಮತ್ತು ವಿದೇಶಿ ವಿನಿಮಯ ನಿಯಂತ್ರಣ ಕಾಯ್ದೆಯಡಿ 1996ರಲ್ಲಿ ವಿಚಾರಣೆ ಆರಂಭಿಸಲಾಗಿತ್ತು.

ಜೈಲಿನಿಂದ ವಿಚಾರಣೆಗೆ ವಿಡಿಯೋ ಕಾನ್ಫರೆನ್ಸ್ ಮೂಲಕ ಹಾಜರಾಗಲು ಕಳೆದ ತಿಂಗಳು ನ್ಯಾಯಾಲಯ ಅವಕಾಶ ನೀಡಿತ್ತು.