ಮೊಸೂಲ್: ಇಸ್ಲಾಮಿಕ್ ಉಗ್ರರ ವಿರುದ್ಧ ಹೋರಾಡುತ್ತಿರುವ ಇರಾಕ್ ಸೇನೆ ಮತ್ತಷ್ಟು ಪ್ರದೇಶಗಳನ್ನು ಉಗ್ರರಿಂದ ವಶಪಡಿಸಿಕೊಂಡಿದೆ. 

ಪಶ್ಚಿಮ ಮೊಸೂಲ್ ನ ಪುರಾತನ ನಗರವೊಂದನ್ನು ವಶಪಡಿಸಿಕೊಂಡಿರುವ ಇರಾಕ್ ಪಡೆ, ವೈಮಾನಿಕ ದಾಳಿ ನಡೆಸಿ 6 ಉಗ್ರರನ್ನು ಹತ್ಯೆ ಮಾಡಿದೆ ಎಂದು ಅಲ್ಲಿನ ಸೇನಾ ಪಡೆ ಮಾಹಿತಿ ನೀಡಿದೆ. 

ಭಯೋತ್ಪಾದನೆ ನಿಗ್ರಹ ದಳ ಸೇವೆ(ಸಿಟಿಎಸ್) ನ ಸಿಬ್ಬಂದಿಗಳು ಇಸೀಸ್ ಉಗ್ರರ ವಿರುದ್ಧ ಹೋರಾಡಿದ್ದು, ಪಶ್ಚಿಮ ಮೊಸೂಲ್ ನಲ್ಲಿರುವ ನಬ್ಲಸ್ ನಗರವನ್ನು ಉಗ್ರರ ಕಪಿಮುಷ್ಠಿಯಿಂದ ಬಿಡುಗಡೆ ಮಾಡಲಾಗಿದೆ ಎಂದು ಜಂಟಿ ಕಾರ್ಯಾಚರಣೆ ಕಮಾಂಡ್ ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದಾರೆ. 

ಪಶ್ಚಿಮ ಮೊಸೂಲ್ ನಗರದಲ್ಲಿ ಮತ್ತಷ್ಟು ಪ್ರದೇಶಗಳನ್ನು ಬಿಡುಗಡೆಗೊಳಿಸಲು ಉಗ್ರರ ವಿರುದ್ಧ ಸಿಟಿಎಸ್ ಸಿಬ್ಬಂದಿಗಳು ಹೋರಾಟ ಮುಂದುವರೆಸಿದ್ದಾರೆ. ಆದರೆ ಹವಾಮಾನ ವೈಪರಿತ್ಯದಿಂದ ತ್ವರಿತಗತಿಯ ಕಾರ್ಯಾಚರಣೆ ಸಾಧ್ಯವಾಗುತ್ತಿಲ್ಲ ಎಂಬ ವರದಿಗಳು ಪ್ರಕಟವಾಗಿವೆ.