ಸವೈ ಮದ್ಹೊಪುರ್(ರಾಜಸ್ತಾನ): ಮಹಿಳೆಯರು ಮತ್ತು ಮಕ್ಕಳನ್ನು ಹೊತ್ತು ಸಾಗುತ್ತಿದ್ದ ಟ್ರ್ಯಾಕ್ಟರ್ ನ ಚಾಲಕ ನಿಯಂತ್ರಣ ತಪ್ಪಿ ಬಿದ್ದು 6 ಮಂದಿ ಮಕ್ಕಳು ಮೃತಪಟ್ಟು 21 ಮಂದಿ ಗಾಯಗೊಂಡಿದ್ದಾರೆ. 

ರಾಜಸ್ತಾನದ ಸವೈ ಮದ್ಹೊಪುರ್ ನಿಂದ 12 ಕಿಲೋ ಮೀಟರ್ ದೂರದಲ್ಲಿ ಕುಶಾಲಿಪುರ ಪ್ರದೇಶದಲ್ಲಿ ಈ ದುರ್ಘಟನೆ ಕಳೆದ ರಾತ್ರಿ 10.45ರ ಸುಮಾರಿಗೆ ನಡೆದಿದೆ.

ಇಂದು ಖಾನ್ಪುರದಲ್ಲಿ ನಡೆಯುವ ವಿವಾಹ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಇವರೆಲ್ಲಾ ಹೊರಟಿದ್ದರು. 

ಎರಡು ಟ್ರ್ಯಾಕ್ಟರ್ ಗಳಲ್ಲಿ, ಒಂದರಲ್ಲಿ ಪುರುಷರು ಮತ್ತು ಇನ್ನೊಂದರಲ್ಲಿ ಮಹಿಳೆಯರು ಮತ್ತು ಮಕ್ಕಳು ಹೊರಟಿದ್ದರು. ಇವರೆಲ್ಲರೂ ಮದುವೆ ಕಾರ್ಯಕ್ರಮದಲ್ಲಿ ಭಾಗವಹಿಸಲೆಂದು ದೌಲ್ತಪುರ್ ಗ್ರಾಮದಿಂದ ಬಂದಿದ್ದರು. ಗಾಯಗೊಂಡವರನ್ನು ಹತ್ತಿರದ ಆಸ್ಪತ್ರೆಗೆ ದಾಖಲಿಸಲಾಗಿದೆ.