ನವದೆಹಲಿ: ಭಾರತದಲ್ಲಿ ಇಸ್ಲಾಮಿಕ್ ಸ್ಟೇಟ್ ಉಗ್ರ ಸಂಘಟನೆಯ ಪರವಾಗಿ ಕಾರ್ಯನಿರ್ವಹಿಸುತ್ತಿದ್ದ ಉಗ್ರ ಅಮ್ಜಾದ್ ಖಾನ್ ಅಲಿಯಾಸ್ ಆಯನ್ ಖಾನ್ ಸಲಾಫಿಯನ್ನು ಉತ್ತರ ಪ್ರದೇಶದಲ 24 ವರ್ಷದ ವೈದ್ಯಕೀಯ ವಿದ್ಯಾರ್ಥಿನಿ ಫೋನ್ ಮೂಲಕ ವಿವಾಹವಾಗಿದ್ದಾಳೆ. 

ಆಮ್ಜಾದ್ ನ ಉಗ್ರ ಸಂಘಟನೆ ಚಟುವಟಿಕೆಗಳು ಹಾಗೂ ಇಸ್ಲಾಮ್ ಬಗ್ಗೆ ಆತ ಹೊಂದಿದ್ದ ಜ್ಞಾನಕ್ಕೆ ಮಾರುಹೋಗಿದ್ದ ಅಜಮ್ ಘರ್ ನ ವೈದ್ಯಕೀಯ ವಿದ್ಯಾರ್ಥಿನಿ ಉಗ್ರ ಅಮ್ಜಾದ್ ಖಾನ್(37) ನೊಂದಿಗೆ ಕಳೆದ ವರ್ಷ ಮೇ ತಿಂಗಳಲ್ಲಿ ಫೋನ್ ಮೂಲಕವೇ ವಿವಾಹವಾಗಿದ್ದಾಳೆ. 

ಅಮ್ಜಾದ್ ಖಾನ್ ರಾಜಸ್ಥಾನ ಚುರು ನ ನಿವಾಸಿಯಾಗಿದ್ದು, ಜುನದ್-ಉಲ್-ಖಿಲಾಫಫಿಲ್-ಹಿಂದ್ (ಜೆಕೆಹೆಚ್) ಎಂಬ ಇಸೀಸ್ ಉಗ್ರ ಸಂಘಟನೆಯ ಭಾಗವಾಗಿರುವ ಉಗ್ರ ಸಂಘಟನೆಗೆ ಭಾರತದ ಯುವಕರನ್ನು ಸೇರಿಸುತ್ತಿದ್ದ. ಜೆಕೆಹೆಚ್ ಗೆ ಶಫಿ ಅರ್ಮಾರ್ ಎಂಬ ವ್ಯಕ್ತಿ ಮುಖ್ಯಸ್ಥನಾಗಿದ್ದು, 2015-16 ರಲ್ಲಿ ಪ್ರಾರಂಭವಾದ ಸಂಘಟನೆಯ 30 ಸದಸ್ಯರನ್ನು ಕಳೆದ ವರ್ಷ ಎನ್ಐಎ ಬಂಧಿಸಿತ್ತು. ಅಷ್ಟೇ ಅಲ್ಲದೇ ಸೌದಿಯಲ್ಲಿದ್ದುಕೊಂಡು ಯುವಕರನ್ನು ಉಗ್ರವಾದದತ್ತ ಸೆಳೆಯುತ್ತಿದ್ದ  ಅಮ್ಜಾದ್ ಖಾನ್ ಅಲಿಯಾಸ್ ಆಯನ್ ಖಾನ್ ನ್ನು ಸೌದಿ ಗಡಿಪಾರು ಮಾಡಿತ್ತು.