ಚೆನ್ನೈ: ಹೆರಾಯಿನ್ ತುಂಬಿದ್ದ ಕಾಂಡೋಮ್ ಧರಿಸಿದ್ದ ವ್ಯಕ್ತಿಯನ್ನು ಚೆನ್ನೈ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಅಧಿಕಾರಿಗಳು ಬಂಧಿಸಿದ್ದಾರೆ. 

ಕೊಲಂಬೋಗೆ ತೆರಳಲು ವಿಮಾನ ನಿಲ್ದಾಣಕ್ಕೆ ಬಂಧಿತ ಪ್ರಯಾಣಿಕ ಬಂದಿದ್ದ. ಈ ವೇಳೆ ಆತನ ಗುಪ್ತಾಂಗದ ಜಾಗ ದೊಡ್ಡದಾಗಿದ್ದರಿಂದ ಅನುಮಾನಗೊಂಡ ನಿಲ್ದಾಣದ ಸಿಬ್ಬಂದಿಗಳು ಆತನನ್ನು ಪರೀಕ್ಷೆಗೆ ಒಳಪಡಿಸಿದ್ದಾರೆ. ಈ ವೇಳೆ ಆತ 100 ಗ್ರಾಂ ಹೆರಾಯಿನ್ ತುಂಬಿದ್ದ ಕಾಂಡೋಮ್ ಅನ್ನು ಧರಿಸಿರುವುದು ಪತ್ತೆಯಾಗಿದೆ. 

ಬಂಧಿತ ವ್ಯಕ್ತಿ ಚೆನ್ನೈನ ಇಂಜಿನಿಯರಿಂಗ್ ಕಾಲೇಜಿನ ಅಂಗಡಿಯೊಂದರ ಸ್ಟೋರ್ ಕೀಪರ್ ಆಗಿದ್ದ ಎಂದು ತಿಳಿದುಬಂದಿದೆ. ಸದ್ಯ ನಿಲ್ದಾಣ ಅಧಿಕಾರಿಗಳು ಆತನನ್ನು ಕಸ್ಟಮ್ಸ್ ಅಧಿಕಾರಿಗಳು ವಶಕ್ಕೆ ನೀಡಿದ್ದು ಆತನ ವಿರುದ್ಧ ದೂರು ದಾಖಲಿಸುವ ಸಾಧ್ಯತೆ ಇದೆ.