ನವದೆಹಲಿ: ರಾಹುಲ್ ಗಾಂಧಿ ಕಾಂಗ್ರೆಸ್ ನ ಅಧ್ಯಕ್ಷರಾದ ಬಳಿಕವೂ ಸಹ ಪಕ್ಷದಲ್ಲಿ ಸೋನಿಯಾ ಗಾಂಧಿ ಅವರ ಪಾತ್ರ ಕುಗ್ಗುವುದಿಲ್ಲ ಎಂದು ಹಿರಿಯ ಕಾಂಗ್ರೆಸ್ ಮುಖಂಡ ವೀರಪ್ಪ ಮೊಯ್ಲಿ ಹೇಳಿದರು.
2019 ರಲ್ಲಿ ರಾಹುಲ್ ಗಾಂಧಿ ಪ್ರಧಾನಿ ಹುದ್ದೆಗೇರಬೇಕೆನ್ನುವ ಉದ್ದೇಶದೊಡನೆ ಕಾಂಗ್ರೆಸ್ ಕ್ರಾಂತಿಕಾರಿಯಾದ ನಿಲುವುಗಳನ್ನು ತೆಗೆದುಕೊಳ್ಳಲಿದೆ ಎಂದು ಮೊಯ್ಲಿ ಹೇಳಿದ್ದಾರೆ."ಅವರು ಪಕ್ಷದ ಅಧಿಕಾರವನ್ನು ಮಾತ್ರವಲ್ಲದೆ ಕೇಂದ್ರದಲ್ಲಿಯೂ ಸಹ ಸರ್ಕಾರವನ್ನು ನಡೆಸಲು ಸಮರ್ಥರಿದ್ದಾರೆ "
"ನಾಯಕತ್ವದಲ್ಲಿನ ಬದಲಾವಣೆಯು ಪಕ್ಷದಲ್ಲಿ ಎಲ್ಲವನ್ನೂ ಬದಲಿಸುತ್ತದೆ, ಎನ್ನುವುದನ್ನು ಒಪ್ಪಿದರೂ ಅವರ ನಾಯಕತ್ವದಲ್ಲಿ ಪಕ್ಷದಲ್ಲಿ ಹಿರಿಯರಿಗೂ, ಯುವಕರಿಗೂ ಸಮಾನ ಅವಕಾಶಗಳು ದೊರಕಲಿದೆ.ಇನ್ನು 2019ರಲ್ಲಿ ನಡೆವ ಚುನಾವಣೆ ಬಳಿಕ ರಾಹುಲ್ ದೇಶದ ಪ್ರಧಾನಿಯಾಗುವುದಕ್ಕೆ ಏನೇನು ಕ್ರಮ ತೆಗೆದುಕೊಳ್ಳಬೇಕೋ ಅದನ್ನು ಪಕ್ಷವು ಯಾವ ಅಡಚಣೆಯಿಲ್ಲದೆ ತೆಗೆದುಕೊಳ್ಳಲಿದೆ" ಎಂದು ಮೊಯ್ಲಿ ಹೇಳಿದ್ದಾರೆ.