ಮುಂಬೈ: ಮುಂಬೈ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಮೊನ್ನೆ ಶುಕ್ರವಾರದಂದು ನೂತನ ದಾಖಲೆಯೊಂದಕ್ಕೆ ಸಾಕ್ಷಿಯಾಗಿದೆ. ವಿಮಾನ ನಿಲ್ದಾಣದಲ್ಲಿ ಒಂದೇ ದಿನಕ್ಕೆ ಒಂದೇ ರನ್ ವೇ ಮೂಲಕ 969  ವಿಮಾನಗಳ ಹಾರಾಟವನ್ನು ನಿರ್ವಹಿಸಿ ಹೊಸ ದಾಖಲೆ ಬರೆದಿದೆ 

ಇಲ್ಲಿ ಪ್ರತಿದಿನವೂ 900 ಕ್ಕೂ ಹೆಚ್ಚು ವಿಮಾನಗಳು ಹಾರಾಟ ನಡೆಸುತ್ತವೆ. ನಿಗದಿತ ವಿಮಾನಗಳೊಡನೆ ಖಾಸಗಿ ವಿಮಾನಗಳೂ ಇಲ್ಲಿ ಹಾರಾಟ ನಿರ್ವಹಣೆ ನಡೆಸುವ ಕಾರಣ ಜನದಟ್ಟಣೆ ಅಧಿಕವಾಗಿರುತ್ತದೆ. ಇದೇ ರೀತಿಯಲ್ಲಿ ಮೊನ್ನೆ ಶುಕ್ರವಾರ ಸಹ 969 ವಿಮಾನಗಳ ನಿರ್ವಹಣೆ ಮಾಡಲಾಗಿದೆ ಎಂದು ನಿಲ್ದಾಣದ ವಕ್ತಾರರು ತಿಳಿಸಿದ್ದಾರೆ.

ನ್ಯೂಯಾರ್ಕ್‌, ಲಂಡನ್‌, ದುಬೈ, ದೆಹಲಿಯಂತಹಾ ಬೃಅಹತ್ ನಗರಗಳಲ್ಲಿ ಎರಡಕ್ಕಿಂತ ಹೆಚ್ಚು ರನ್‌ ವೇಗಳು ಏಕಕಾಲಕ್ಕೆ ಬಳಕೆಯಲ್ಲಿರುತ್ತವೆ. ಮುಂಬೈ ವಿಮಾನ ನಿಲ್ದಾಣದಲ್ಲಿ ಎರಡು ರನ್‌ ವೇಗಳನ್ನು ಇದ್ದರೂ ಸಹ, ಅವುಗಳು ಪರಸ್ಪರ ಸಂಧಿಸುವುದರಿಂದ ಒಮ್ಮೆಗೆ ಒಂದು ರನ್‌ ವೇ ಮಾತ್ರ ಬಳಸಲು ಅವಕಾಶವಿದೆ.