ಪಣಜಿ: ತೆಹಲ್ಕಾದ ಮಾಜಿ ಸಂಪಾದಕ ತರುಣ್ ತೇಜ್ ಪಾಲ್ ವಿರುದ್ಧದ ಅತ್ಯಾಚಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪ ಪಟ್ಟಿ ದಾಖಲಿಸಲು ಅನುಮತಿ ನೀಡಿದ್ದ ಮಾಪುಸಾ ಸೆಷನ್ಸ್ ಕೋರ್ಟ್ ನ ಆದೇಶವನ್ನು ಗೋವಾ ಹೈಕೋರ್ಟ್ ಎತ್ತಿ ಹಿಡಿದಿದ್ದು, ಆರೋಪ ಪಟ್ಟಿ ದಾಖಲಿಸಲು ಅನುಮತಿ ನೀಡಿದೆ. ಆದರೆ ಮುಂದಿನ ನಿರ್ದೇಶನದ ವರೆಗೆ ವಿಚಾರಣೆಗೆ ತಡೆ ನೀಡಿದೆ.
ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೊದಲ ಸಾಕ್ಷಿಯ ವಿಚಾರಣೆಯನ್ನು ತಾನು ನಿರ್ದೇಶನ ನೀಡುವವರೆಗೆ ನಡೆಸದಂತೆ ಕೋರ್ಟ್ ಸೂಚನೆ ನೀಡಿದೆ. ತೇಜ್ ಪಾಲ್ ವಿರುದ್ಧ ಆರೋಪ ಪಟ್ಟಿ ಸಲ್ಲಿಸಲು ಸೆ.07 ರಂದು ಸೆಷನ್ಸ್ ನ್ಯಾಯಾಲಯ ಸೂಚನೆ ನೀಡಿತ್ತು.
ತರುಣ್ ತೇಜ್ ಪಾಲ್ ವಿರುದ್ಧ 9 ಆರೋಪ ದಾಖಲಾಗುವ ಸಾಧ್ಯತೆ ಇದೆ. 2013 ರಲ್ಲಿ ಎಲಿವೇಟರ್ ನಲ್ಲಿ ಮಹಿಳಾ ಸಹೋದ್ಯೋಗಿಗೆ ಲೈಂಕಿಕ ಕಿರುಕುಳ ನೀಡಿರುವ ಆರೋಪ ತರುಣ್ ತೇಜ್ ಪಾಲ್ ವಿರುದ್ಧ ಕೇಳಿಬಂದಿದೆ.