ಆಗ್ರಾ: ಉತ್ತರಪ್ರದೇಶ ರಾಜ್ಯದಲ್ಲಿ ಭಾರೀ ಮಳೆ ಸುರಿಯುತ್ತಿದ್ದು, ಪರಿಣಾಮ ವಿಶ್ವವಿಖ್ಯಾತ ತಾಜ್ ಮಹಲ್'ನ ಮುಖ್ಯ ದ್ವಾರದ ಸ್ತಂಭವೊಂದು ಕುಸಿದು ಬಿದ್ದಿರುವ ಘಟನೆ ಗುರುವಾರ ನಡೆದಿದೆ.
ತಾಜ್ ಮಹಲ್ ನ ದಕ್ಷಿಣದಲ್ಲಿರುವ ಮುಖ್ಯ ದ್ವಾರದ ಸ್ತಂಭವೊಂದು ಕುಸಿದುಬಿದ್ದಿದ್ದು, ಯಾವುದೇ ಸಾವು-ನೋವುಗಳು ಸಂಭವಿಸಿಲ್ಲ ಎಂದು ವರದಿಗಳು ತಿಳಿಸಿವೆ.
ತಾಜ್ ಮಹಲ್'ಗೆ ಯಾವುದೇ ರೀತಿಯ ಹಾನಿಗಳುಂಟಾಗದಂತೆ ಇತ್ತೀಚೆಗಷ್ಟೇ ಇಲ್ಲಿನ ಅಧಿಕಾರಿಗಳು ಸಾಕಷ್ಟು ಕ್ರಮಗಳನ್ನು ಕೈಗೊಂಡಿದ್ದರು. ಮಾನವ ದಟ್ಟಣೆಯನ್ನು ಕಡಿಮೆ ಮಾಡುವ ಸಲುವಾಗಿ ಸಾರ್ವಜನಿಕರಿಗೆ 3 ಗಂಟೆಗಳ ಕಾಲ ಭೇಟಿ ನೀಡಲು ಅವಕಾಶವನ್ನು ನೀಡಲಾಗಿತ್ತು.