ಡಿಯೋರಿಯಾ: ಬಿಹಾರದ ಮುಜಾಫರ್ ಪುರ್  ವಸತಿ ನಿಲಯಗಳಲ್ಲಿ ಅಪ್ರಾಪ್ತ ಬಾಲಕಿಯರ ಮೇಲಿನ ಲೈಂಗಿಕ ಕಿರುಕುಳ  ಪ್ರಕರಣ ರಾಷ್ಟ್ರಮಟ್ಟದಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗುತ್ತಿರುವಂತೆ  ಉತ್ತರ ಪ್ರದೇಶದ ಡಿಯೋರಿಯಾದಲ್ಲಿ ಅಕ್ರಮ ವಸತಿ ನಿಲಯಗಳು ಇರುವುದು ಕಂಡುಬಂದಿದೆ.

ಅಕ್ರಮ ವಸತಿ ನಿಲಯಗಳ ಮೇಲೆ ರಾತ್ರಿ ಪೊಲೀಸರು ದಾಳಿ ನಡೆಸಿ ಬಾಗಿಲು ಜಡಿದಿದ್ದು, 24 ಯುವತಿಯರನ್ನು ರಕ್ಷಿಸಿದ್ದಾರೆ. ವಸತಿ ನಿಲಯದ ಮ್ಯಾನೇಜರ್ ಸೇರಿದಂತೆ ಇಬ್ಬರನ್ನು ಬಂಧಿಸಲಾಗಿದೆ.

ಈ ಪ್ರಕರಣದ ಬಗ್ಗೆ ತನಿಖೆ ನಡೆಸಲು ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್  ಇಬ್ಬರು ಸದಸ್ಯರನ್ನೊಳಗೊಂಡ ಉನ್ನತ ಮಟ್ಟದ ಸಮಿತಿಯನ್ನು  ನೇಮಿಸಿದ್ದಾರೆ.

ಅಕ್ರಮ ವಸತಿ ನಿಲಯಗಳ ಕಾರ್ಯಾಚರಣೆ  ಬಗ್ಗೆ  ಮಾಹಿತಿ ಪಡೆದ ನಂತರ  ಪರಿಶೀಲನೆ ನಡೆಸಲಾಗಿದೆ ಎಂದು ಎಂದು ನಗರ ಹೆಚ್ಚುವರಿ  ಮ್ಯಾಜಿಸ್ಟ್ರೇಟ್  ಪ್ರಫುಲ್  ತ್ರಿಪಾಠಿ ತಿಳಿಸಿದ್ದಾರೆ.